Forbes: بيلل گەيتس تاعى دا ەڭ باي امەريكالىقتاردىڭ كوشىن باستادى

Forbes جۋرنالى ەڭ باي امەريكالىقتاردىڭ ءتىزىمىن ۇسىندى. رەيتينگتە بيلل گەيتس كوش باستاپ، 24-ءشى رەت اقش-تىڭ ەڭ باي ادامى اتاندى. Microsoft باسشىسىنىڭ داۋلەتى 89 ميلليارد دوللارعا جەتكەن.

Amazon باسشىسى دجەفف بەزوس س 81،5 ميلليارد دوللار قارجىسىمەن ەكىنشى ورىنعا جايعاسسا، ءۇشىنشى ورىندا ۋوررەن باففەت كەلەدى – Forbes-تىڭ باعالاۋىنشا ونىڭ داۋلەتى 78 ميلليارد دوللار. ءبىر جىلدىڭ ىشىندە كاسىپكەرلەر تىزىمىنە كىرگەن 289 ادام ءوز كاپيتالىن ۇلعايتسا، ال 51 ميللياردەردىڭ قارجىسى ازايعان.

ولاردىڭ اراسىندا اقش-تىڭ قازىرگى پرەزيدەنتى دە بار. ترامپ مەملەكەت باسشىسى رەتىندە قىزمەت ەتكەن ءبىر جىلدىڭ ىشىندە 600 ميلليون دوللار جوعالتىپ، رەيتينگتە 248 ورىندى يەلەندى. ونىڭ داۋلەتى 3،1 ميلليارد دوللار دەپ باعالاندى. جالپى العاندا، اقش-تاعى ەڭ باي ادامدارى ءبىر جىل ىشىندە داۋلەتىن ارتتىرعان. ولاردىڭ جالپى جاعدايى 2،7 ترلن دوللاردى قۇرايدى، بۇل وتكەن جىلعى كورسەتكىشتەن ءۇش ءجۇز ميللياردقا ارتىق، دەپ جازادى Forbes.

 

ۇقساس جاڭالىقتار

Back to top button