«اكtobe Invest-2017» فورۋمىندا قۇنى 200 ملرد تەڭگەدەن اساتىن 11 كەلىسىمگە قول قويىلدى

«اكtobe Invest-2017» بەسىنشى ينۆەستيتسيالىق فورۋمى اياسىندا قۇنى 200 ملرد تەڭگەدەن اساتىن سەرىكتەستىك تۋرالى 11 مەموراندۋمعا قول قويىلدى.بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى. 

ەلباسىنىڭ وڭىرارالىق كووپەراتسيا مەن قازاقستاندىق مازمۇندى دامىتۋ بويىنشا تاپسىرماسىن ورىنداۋ ماقساتىندا وبلىس اكىمدىكتەرى ءوزارا ءتيىمدى سەرىكتەستىكتى جولعا قويۋ جانە وتاندىق تاۋاروندىرۋشىلەردى قولداۋ جۇمىستارىن جۇرگىزۋدە.

سونىمەن، وڭىرارالىق سەرىكتەستىك پەن ونەركاسىپتىك كووپەراتسيا تۋرالى مەموراندۋمدى اقتوبە جانە قوستاناي وبلىستارىنىڭ باسشىلارى بەردىبەك ساپارباەۆ پەن ارحيمەد مۇحامبەتوۆ قول قويىپ بەكىتتى.

«كۇيە وندىرەتىن زاۋىت قۇرىلىسى» ينۆەستيتسيالىق جوباسىن جۇزەگە اسىرۋ سەرىكتەستىگى تۋرالى مەموراندۋمعا اقتوبە وبلىسى مەن «Shengyuan Technology Co.، Ltd» اق قول قويدى. كۇيە – تابيعي گازدان دايىندالاتىن جاڭا ينۆەستيتسيالىق ماتەريال بولىپ تابىلادى. وندىرىستە «يندۋستريا 4.0» ەلەمەنتتەرى پايدالانىلماق.

اتالمىش ماتەريال پوليگرافيالىق جانە لاك-بوياۋ ءوندىرىسىنىڭ ونەركاسىبىندە قولدانىلادى. ينۆەستيتسيا كولەمى شامامەن 7 ملرد تەڭگەنى قۇرايدى. سونداي-اق، وبلىس اكىمدىگى مەن «نيتروحيم كومپانيالار توبى» جشس اراسىندا تەحنيكالىق اممياك سەليتراسى مەن كارباميد ءوندىرىسىنىڭ جوباسىن جۇزەگە اسىرۋ تۋرالى مەموراندۋمعا قول قويىلدى. تەحنيكالىق اممياك سەليتراسى ونەركاسىپتىك جارىلىس زاتتارىن دايىنداۋ ءۇشىن قولدانىلادى.

اتالمىش جوبانى جۇزەگە اسىرۋ ءوڭىردىڭ وڭدەۋ ونەركاسىبىن دامىتۋدى قامتاماسىز ەتىپ، مىڭعا جۋىق جاڭا جۇمىس ورىندارىن اشادى. شەتەلدىك ينۆەستورلار تاراپىنان 130 ملرد تەڭگەدەن استام قاراجات سالىنادى دەپ كۇتىلۋدە. «گرين كاپيتال قازاقستان» جشس وڭىردە جاڭا جىلىجاي كەشەنىن سالۋدى جوسپارلاپ وتىر.

جوبا جىل سايىن 6 مىڭ توننادان اسا كوكونىس ءونىمىن ءوندىرىپ، ماۋسىمارالىق كەزەڭدە ءوڭىردى جاڭا پىسكەن كوكونىستەرمەن قامتاماسىز ەتۋگە مۇمكىندىك بەرەدى. «اقتوبە ەت كلاستەرى» جشس-ى «ميتميتميت» جشق-سىمەن جىلىنا مىڭ توننا كولەمىندە سيىر ەتىن رەسەي فەدەراتسياسىنا جەتكىزۋ بويىنشا كەلىسىمگە وتىردى. كاسىپورىن ەكولوگيالىق جاعىنان تازا ەت ونىمدەرىن زاماناۋي تەحنولوگيالار بويىنشا وندىرەدى. كومپانيا مال باعۋ، بورداقىلاۋ، ەتتى قايتا وڭدەۋدەن باستاپ دايىن ءونىمدى ناقتى تۇتىنۋشىنىڭ تاپسىرىسىمەن تيەۋگە دەيىنگى وڭدەۋ پروتسەسستەرىمەن ءوزى اينالىسادى.

ەتتى يران، بىرىككەن اراب امىرلىكتەرى مەن قىتاي ەلدەرىنە جەتكىزۋ ماسەلەسى پىسىقتالىپ جاتىر. ەسكە سالايىق، «اكtobe Invest-2017» فورۋمىنا 500-دەن اسا ادام اتسالىستى. ولاردىڭ قاتارىندا اقتوبە وبلىسىنىڭ اكىمى بەردىبەك ساپارباەۆ، قوستاناي وبلىسىنىڭ اكىمى ارحيمەد مۇحامبەتوۆ، ورىنبور وبلىسىنىڭ گۋبەرناتورى يۋري بەرگ، قر ينۆەستيتسيالار جانە دامۋ ۆيتسە-ءمينيسترى ەرلان حايروۆ، مينيسترلىكتەر مەن ۆەدومستۆولاردىڭ، ۇلتتىق كومپانيالاردىڭ، قارجى ينستيتۋتتارىنىڭ، ءىرى وتاندىق جانە شەتەلدىك كاسىپورىنداردىڭ باسشىلارى بار.

 

ۇقساس جاڭالىقتار

Back to top button