كەندىرلىدە اۋەجاي سالىنۋى مۇمكىن

اقتاۋدا 2020 جىلعا دەيىن وڭىرلەردى دامىتۋ باعدارلاماسىنىڭ شەڭبەرىندە ماڭعىستاۋ وبلىسىنىڭ اكىمى ەرالى توعجانوۆ «South Caspian Operating Company» كومپانياسىنىڭ توراعالارى راو ەسۆارا جانە بەحارا سانكار بحاگاۆاتحيمەن ءوزارا ىنتىماقتاستىق تۋرالى مەموراندۋمعا قول قويىلدى، دەپ حابارلايدى اكىمنىڭ ءباسپاسوز قىزمەتى.

«South Operating Company» كومپانياسى قازاقستان رەسپۋبليكاسىنىڭ اۋماعىندا جوبالاۋ، قۇرىلىس جانە ءوندىرۋ جۇمىستارىمەن اينالىسادى. تاراپتار اقتاۋ جانە اتىراۋ قالالارىندا قولدانىستاعى مۇناي-حيميا زاۋىتتارىندا قوسالقى قوندىرعىلاردى پايدالانۋ جانە ولارعا قىزمەت كورسەتۋ تۋرالى شارت جاساستى. شەتەلدىك كومپانيا ماڭعىستاۋ جەرىندە بىرقاتار جوبالاردى جۇزەگە، اتاپ ايتقاندا تەمىر مەتالدان بولات ارماتۋراسىن ءوندىرۋ ءۇشىن تاۋلىگىنە 400 توننا قۋاتتىلىقتى قۇرايتىن بولات بالقىتۋ زاۋىتى، تەمىر رۋدادان جاسالعان بولات بلانكىلەردى ءوندىرۋ ءۇشىن تاۋلىگىنە 400-500 توننا قۋاتى بار مەتاللۋرگيالىق  زاۋىت، ىشكى تۇتىنۋ ءۇشىن بيدايدان كۇنىنە 400 مەترلىك توننا كراحمال ءوندىرۋ زاۋىتى، تۇرمىستىق جانە ونەركاسىپتىك تۇتىنۋ ءۇشىن تاۋلىگىنە 500 – 50 000 تەكشە مەتردى قۇرايتىن تۇزسىزداندىرۋ قوندىرعىسى جانە باسقا دا جوبالاردى ىسكە اسىرۋعا ۋاعدالاستى.

سونداي-اق، تاراپتار  وڭىردە 100-دەن 200 مۆت دەيىن گاز ەلەكتر ستانتسياسى مەن اۆتوموبيل ونەركاسىبى ءۇشىن اككۋمۋلياتورلىق زاۋىتىن سالۋ، كەندىرلى كۋرورتتىق ايماعىنىڭ جوباسىن (اۋەجايدىڭ، تۇرعىن الابىنىڭ جانە تۋريستىك ايماقتىڭ قۇرىلىسى) جۇرگىزۋ ماسەلەسىن دە تالقىلادى. «بۇل باعدارلامانى جۇزەگە اسىرۋعا جان-جاقتى كومەك كورسەتۋگە ەكى جاقتىڭ دا كۇش-جىگەرىن سالاتىنىنا سەنىمدىمىن»، – دەدى وبلىس اكىمى ەرالى توعجانوۆ.

 

ۇقساس جاڭالىقتار

Back to top button