اقش يۋنەسكو ۇيىمىنان شىعا ما؟

اقش يۋنەسكو ۇيىمىنان شىعىپ جاتىر. اقش بۇۇ-نىڭ ءبىلىم، عىلىم جانە مادەنيەت ماسەلەلەرى جونىندەگى (يۋنەسكو) ۇيىمىنان شىعادى، دەپ حابارلايدى تاسس. 

امەريكانىڭ مەملەكەتتىك دەپارتامەنتى ءباسپاسوز قىزمەتىنىڭ باسشىسى حەزەر ناۋەرتتىڭ بەيسەنبى كۇنى تاراتقان مالىمدەمەسىندە اتاپ وتكەندەي، شەشىم 2018 جىلدىڭ 31 جەلتوقسانىندا كۇشىنە ەنەدى. «2017 جىلدىڭ 12 قازانىندا مەملەكەتتىك دەپارتامەنت يۋنەسكو باس ديرەكتورى يرينا بوكوۆاعا اقش-تىڭ ۇيىمنان شىعاتىنى تۋرالى جانە يۋنەسكو-دا باقىلاۋشىلاردىڭ تۇراقتى ميسسياسىن قۇرۋعا نيەتتى ەكەندىگىن ەسكەرتتى»، – دەلىنگەن مالىمدەمەدە. ناۋەرت اتاپ وتكەندەي، بۇل شەشىمدى قابىلداۋ وڭايعا سوقپاعان. بۇل «يۋنەسكو قارىزىنىڭ وسۋىنە بايلانىستى اقش-تىڭ الاڭداۋشىلىعىن، وسى ۇيىمدا تۇبەگەيلى رەفورمالار جۇرگىزۋ قاجەتتىلىگىن جانە يۋنەسكو-داعى انتيزرايلدىك تەرىس تۇسىنىكتىڭ ساقتالعانىن» كورسەتەدى. اقش اتالعان حالىقارالىق قۇرىلىمعا مۇشە بولماي، باقىلاۋشى ەل رەتىندە يۋنەسكو-مەن قارىم-قاتىناستى ساقتاۋعا مۇددەلى ەكەندىگىن مالىمدەدى.

ۇقساس جاڭالىقتار

Back to top button