سولتۇستىك كورەيا اقش-قا "وتتى بۇرشاقپەن" سەس كورسەتىپ جاتىر

سولتۇستىك كورەيا اقش پرەزيدەنتى دونالد ترامپتىڭ كحدر-دى جويۋعا دايىنبىز دەگەن سوزىنە «وتتى بۇرشاقپەن» جاۋاپ بەرەمىز دەپ سەس كورسەتىپ جاتىر.

كورەي حالىقتىق دەموكراتيالىق رەسپۋبليكانىڭ (كحدر) سىرتقى ىستەر ءمينيسترى لي يون حو جاپپاي جويۋ قارۋى ءوز ەلى ءۇشىن سىرتقى اگرەسسيادان ساقتانۋدىڭ قۇرالى، سول سەبەپتەن يادرولىق باعدارلاما جونىندەگى كەلىسسوزگە ەشقاشان كەلىسپەيتىنىن مالىمدەدى.

سارسەنبىگە قاراعان ءتۇنى كورەي تۇبەگى ۇستىنەن ەكى امەريكالىق ستراتەگيالىق بومبالاۋشى ۇشىپ ءوتتى. بۇل جونىندە وڭتۇستىك كورەيا حابارلادى. امەريكا اسكەرى بولسا، جاپون جانە وڭتۇستىككورەيالىق اسكەري ۇشاقتارمەن بىرلەسىپ، تۇنگى جاتتىعۋ وتكىزدىك دەپ مالىمدەدى.

Reuters اگەنتتىگىنىڭ حابارلاۋىنا قاراعاندا، وسى ۋاقىتتا اقش پرەزيدەنتى دونالد ترامپ كۇش قۇرىلىمدارى باسشىلارىمەن سولتۇستىك كورەيانىڭ اگرەسسياسىنا ارەكەت ەتۋ ماسەلەسىن تالقىلاپ جاتقان.

ۆاشينگتون مەن پحەنيان اراسىنداعى شيەلەنىس سولتۇستىك كورەيانىڭ يادرولىق سىناقتى ۇدەتە تۇسۋىنەن كەيىن كۇشەيە ءتۇستى.

 

ۇقساس جاڭالىقتار

Back to top button