«ارسەلور ميتتال تەمىرتاۋ» كۇيىپ قالعان مەتاللۋرگتەردىڭ جاعدايى تۋرالى ءمالىم ەتتى

«ارسەلورميتتال تەمىرتاۋ» اق 2017 جىلدىڭ 12 قازانىندا جاراقات العان قىزمەتكەرلەردىڭ جاعدايى تۋرالى حابارلادى. №1 گاز قۇبىرىندا جۇمىس ىستەپ جاتقان كەزدە جاراقات العان قىزمەتكەرلەردىڭ جاعدايىن  دارىگەرلەر تۇراقتى، ورتاشا دەڭگەيدە اۋىر دەپ باعالادى.

گاز قۇتقارۋشى  1969 جىلعى س. تولستوۆ، گاز جەلىلەرى ۋچاسكەسىنىڭ گازشىسى 1967 جىلعى س. كليۋسكو، قىزدىرۋ جانە ىستىق ۋچاسكە جۇمىستارىن رەتتەۋ شەبەرى 1968 جىلعى ۆ. رەدكيندى تەرميالىق كۇيىك شالدى. قىزمەتكەرلەر ماقاجانوۆ اتىنداعى وبلىستىق تراۆماتولوگيا جانە ورتوپەديا ورتالىعىنىڭ كۇيىك بولىمىندە جاتىر. گاز جەلىلەرى ۋچاسكەسىنىڭ شەبەرى 1979 جىلعى ە. ماحانوۆ، گاز تسەحىنىڭ ەلەكتر دانەكەرلەۋشىسى 1979 جىلعى ك. لۋكاشەۆ، №1 گاز كوتەرۋ ستانتسياسى ۋچاسكەسىنىڭ تەمىر ۇستاسى 1976 جىلعى ۆ. سەمەيچەنكو تەمىرتاۋ قالاسى ورتالىق قالالىق اۋرۋحاناسى ينتەنسيۆتى تەراپيا ءبولىمى دارىگەرلەرىنىڭ تۇراقتى باقىلاۋىندا. زارداپ شەگۋشىلەردىڭ جاعدايى اۋىر. بارلىق زارداپ شەگۋشىلەرگە قاجەتتى مەديتسينالىق كومەكتەر كورسەتىلىپ جاتىر. ايتا كەتەيىك، «ارسەلورميتتال تەمىرتاۋ» اق مەتاللۋرگيا كومبيناتىنىڭ كوكس تسەحىندا كوكس باتارەياسى جارىلىپ، كۇيىك شالعان التى مەتاللۋرگ اۋرۋحاناعا جەتكىزىلگەن ەدى.

 

Back to top button