تۇركىمەندەر بۇدان بىلاي گاز بەن سۋ جانە تۇزدى تەگىن تۇتىنا المايدى

اقساقالدار كەڭەسىندە ءسوز سويلەگەن ەل پرەزيدەنتى عۇربانع ۇلى بەردىمۇحامەدوۆ ەلەكتر، گاز، سۋ جانە تۇزدى تۇتىنۋدى كەزەڭ-كەزەڭىمەن اقىلى جۇيەگە كوشىرۋ كەرەكتىگىن ايتتى.بۇل تۋرالى ca-news.org جازادى.

“سول جىلدارى تەڭدەسسىز ەرەكشە جەڭىلدىكتەردىڭ ۇسىنىلۋى – الەمدەگى قيىن ەكونوميكالىق جاعداي كەزىندە جاقسى ءومىر قالىپتاستىرۋ، ازاماتتاردى نارىقتىق ەكونوميكاعا بەيىمدەۋ”، – دەلىنگەن حابارلامادا.

“نارىقتىق قاتىناستار جاعدايىنداعى ەلدىڭ تەرەڭ ەكونوميكالىق جاعدايى ۇلتتىق بايلىقتى ۇنەمدى پايدالانۋدى تالاپ ەتەدى. حالىق تابىسىنىڭ ارتۋى، جۇمىس ونىمدىلىگىنىڭ جوعارىلاۋى الەۋمەتتىك جەڭىلدىكتەردى اقىلى ەتۋگە مۇمكىندىك بەرەدى”، – دەلىنگەن ءباسپاسوز قىزمەتىندە.

ەسكە سالساق، وسىعان دەيىن تۇركىمەنستان حالقى گازدى، ەلەكتر ەنەرگياسىن جانە سۋدى ەشقانداي ءليميتسىز تەگىن تۇتىنىپ كەلگەن بولاتىن. وسىعان دەيىن بۇل الەۋمەتتىك كومەكتەردى اقىلى ەتۋ تۋرالى العاش رەت 2015 جىلى ءسوز بولعان. كەيىن 2016 جىلى بەردىمۇحامەدوۆ بۇل ۇسىنىسقا كەلىستى. بىراق، كەيىن پرەزيدەنت كەنەتتەن ەل بيۋدجەتى اتالعان جەڭىلدىكتەردى تەگىن كۇيىندە ساقتاۋعا مۇمكىندىك بەرەتىنىن جاريالاعان. ەندى ءبىر جىل وتە سالىسىمەن پرەزيدەنت قايتادان جەڭىلدىك جۇيەسى تولىقتاي پايداسىز دەپ، ونىڭ كۇشىن جويۋعا بۇيرىق بەردى. بۇل رەتتە جەڭىلدىكتەر بارلىعىنا بىردەي ەمەس، تەك كىمگە ناقتى قاجەتتى سول ادامدارعا عانا ۇسىنىلاتىن بولدى.

ۇقساس جاڭالىقتار

Back to top button