مينيستر بەنزين باعاسى قانشا تەڭگەگە دەيىن كوتەرىلەتىنىن ايتتى

ۇكىمەت وتىرىسىنان كەيىن ەنەرگەتيكا ءمينيسترى قانات بوزىمباەۆ الداعى ۋاقىتتا جانار-جاعارماي باعاسى 167 تەڭگەگە دەيىن باراتىنىن ايتتى، دەپ حابارلايدى Baq.kz.

«بەنزيندى «تۇتىنۋ مولشەرى قانداي بولادى؟» دەگەن سۇراققا جاۋاپ بەرەيىن. ول 180-275 مىڭ توننا بولۋى مۇمكىن. سوندىقتان ءبىز وسى ايدا 100 مىڭنان استام اي-92 بەنزيندى رەسەي فەدەراتسياسىنان يمپورتتايمىز. سوندىقتان ارينە باعالار ءوسىپ، ول 155، 157، 165 تەڭگەنى قۇراۋى مۇمكىن»، – دەدى باسشى.

الايدا قانات بوزىمباەۆ بەنزينننىڭ باعاسى 1 اي عانا جوعارى بولىپ تۇراتىنىن العا تارتتى.

«بىراق بۇل باعالار ءبىر ايعا عانا سوزىلۋى ىقتيمال. ويتكەنى، وسى ايدىڭ سوڭىنا دەيىن پاۆلودار مۇناي وڭدەۋ زاۋىتى كوپ جىل سوزىلعان مودەرنيزاتسيالاۋدى بىتىرەدى. ءتيىستى قوندىرعىلار ىسكە قوسىلاتىن بولادى. كەلەسى قاراشا ايىنان باستاپ، ءبىرىنشى جەلتوقساندا ءبىزدىڭ نارىقتاعى رەسەيلىك بەنزين ۇلەسى جالپى 40 پايىزدان 20 پايىزعا تۇسەدى. وندا بەنزين باعالارىن تۇراقتاندىراتىن ادىستەرىمىز بولادى»، – دەدى مينيستر.

ءسوز سوڭىندا ول الداعى ۋاقىتتا جانار-جاعارماي باعاسى ەلىمىزدە تۇراقتى بولاتىنىن ايتتى.

«ەگەر جەلتوقسان ايىن الساق، رەسەيلىك بەنزين ۇلەسى 15 پايىزدى عانا قۇرايدى. ءوزىمىزدىڭ زاۋىتتاردا شىعارىلاتىن بەنزيننىڭ باعاسىنا اسەر ەتەتىن جاعداي جاساۋعا مۇمكىندىك بار. سوندىقتان وسى قاراشا جانە جەلتوقسان ايلارىنان باستاپ، بەنزين باعاسى تۇراقتى بولۋى كەرەك. ەگەر «قازمۇنايگاز» اق اتىراۋ جانە پاۆلودار زاۋىتتارىن جاڭعىرتۋدى دۇرىستاپ بىتىرسە، وندا قاڭتار ايىنان باستاپ بەنزيننىڭ 100 پايىزى ەلىمىزدەگى ءۇش زاۋىت تاراپىنان قامتاماسىز ەتىلەتىن بولادى. كولىگى بار كىسىلەر نارازىلىق ءبىلدىرىپ جاتىر. مەن ونى جاسقى تۇسىنەمىن. بىراق، بۇل ماسەلە شەشىلەدى»، – دەپ تۇيىندەدى ءسوزىن قانات بوزىمباەۆ.

ۇقساس جاڭالىقتار

Back to top button