مينيستر قازاقستانداعى زەينەتاقى كولەمىن سىناعان اتامباەۆتىڭ مالىمدەمەسىنە قاتىستى پىكىر ءبىلدىردى

ەڭبەك جانە الەۋمەتتى قورعاۋ ءمينيسترى تامارا دۇيسەنوۆا ەلىمىزدەگى الەۋمەتتىك تولەمدەر مەملەكەتتىڭ ىشكى ماسەلەسى ەكەنىن ايتتى.بۇل تۋرالى Sputnik قازاقستان جازدى.

“قازاقستان مەن قىرعىزستان ۇنەمى ءبىر-ءبىرىن قولداپ كەلە جاتقان ەلدەر. الەۋمەتتىك تولەمدەردىڭ كولەمى مەن ونىڭ دەڭگەيى – ءار مەملەكەتتىڭ ىشكى ماسەلەسى. ءبىز ەشقاشان وزگە ەلگە نەگە تولەم كولەمىڭ از دەپ ساۋال قويمايمىز. قازاقستاندا الەۋمەتتىك كومەكتەر مەن قولداۋعا كەتەتىن شىعىەن ءجىو-ءنىڭ 4،2 پايىزىن قۇرايدى. قىرعىزستاندا بۇل ءبىر عانا پروتسەسس. ءبىز مۇنى ايتىپ جاتپايمىز، سىنامايمىز، سەبەبى بۇل ءار ەلدىڭ ىشكى شارۋاسى”، – دەدى مينيستر.

بۇعان دەيىن قىرعىزستان پرەزيدەنتى المازبەك اتامباەۆ قازاقستان باسشىلىعىن ءوز ەلدەرىندەگى سايلاۋعا ارالاستى دەپ ايىپتاپ، قازاقستاندىق بايلار ءوز ەلدەرىن توناپ جاتىر دەپ پىكىر بىلدىرگەن ەدى. اتامباەۆ قازاقستاننىڭ جالپى ىشكى ءونىمى جوعارى بولا تۇرا، نەگە زەينەتاقىلارى از دەپ سويلەگەن بولاتىن.

“قازىرگى كەزدە قازاقستاندا زەينەتاقى كولەمى كورشىمىزگە قاراعاندا 2،6 ەسە جوعارى. 1 قاڭتاردان باستاپ بازالىق زەينەتاقى كۇشىنە ەنسە، وندا ءۇش جارىم ەسەگە دەيىن ارتىقشىلىق ورنايدى”، – دەدى دۇيسەنوۆا.

ۇقساس جاڭالىقتار

Back to top button