قر ءسىم قىرعىزستان پرەزيدەنتىنىڭ سوزىنە بايلانىستى مالىمدەمە جاسادى

قر ءسىم قىرعىزستان پرەزيدەنتىنىڭ سوزىنە بايلانىستى مالىمدەمە جاسادى. قر ءسىم قىرعىزستان پرەزيدەنتى المازبەك اتامباەۆتىڭ ايتقان سوزىنە بايلانىستى مالىمدەمە جاسادى، – دەپ حابارلايدى Tengrinews.kz ءتىلشىسى.

«قازاقستان رەسپۋبليكاسىنىڭ سىرتقى ىستەر مينيسترلىگى قىرعىز باق-تارىندا تاراتىلعان 2017 جىلعى 7 قازانداعى قىرعىز رەسپۋبليكاسىنىڭ پرەزيدەنتى ا. اتامباەۆتىڭ قازاقستان رەسپۋبليكاسىنىڭ باسشىلىعىنا قاتىستى سوزدەرىنە بايلانىستى قاتاڭ نارازىلىق بىلدىرەدى جانە مۇنداي سوزدەرگە ەكى دوستاس مەملەكەتتەر اراسىنداعى قاتىناستاردا جول بەرىلمەۋى ءتيىس دەپ سانايدى»، – دەلىنگەن مالىمدەمەدە. «قىرعىزستان پرەزيدەنتىنىڭ سايلاۋ الدى ماقساتىنداعى جاۋاپسىز، ارانداتۋشىلىق ءماندى جانە جالعان پىكىرى ەلدەرىمىز اراسىنداعى دوستىق پەن ءوزارا كومەكتىڭ كوپعاسىرلى بايلانىستارىنا نۇقسان كەلتىرە المايتىنىنا سەنىم بىلدىرەمىز. قازاقستان تاراپى قىرعىز حالقىمەن ءداستۇرلى باۋىرلاستىق قاتىناستارىن دامىتۋ جولىنا بەرىك بولىپ قالا بەرەدى»، – دەلىنگەن قازاقستاندىق تاراپتىڭ مالىمدەمەسىندە. ايتا كەتەيىك، بۇگىن بىرقاتار قىرعىز باق-تارىندا قىرعىزستان پرەزيدەنتى المازبەك اتامباەۆتىڭ مەملەكەتتىك سىيلىقتاردى تاپسىرۋ راسىمىندە قىرعىزستانعا «قازاقستاندىق بيلىك تاڭىپ وتىرعان» جەتەكشىلەر جايلى پىكىر بىلدىرگەنى جازىلعان ەدى

ۇقساس جاڭالىقتار

Back to top button