الماتىدان تابىلعان تاستاندى ءسابي بالالار ۇيىنە وتكىزىلەدى

الماتىدا وسىدان ەكى اپتا بۇرىن تابىلعان ءسابيدىڭ اناسى كىم ەكەنى ءالى كۇنگە بەلگىسىز. بۇل وقيعاعا قاتىستى قىلمىستىق ءىس قوزعالعان.بۇل تۋرالى «استانا» ارناسى حابارلادى.

پوليتسەيلەر تۋعانىنا ءتورت كۇن بولعان ءسابيدى جىلى كورپەگە وراپ تاستاپ كەتكەن ايەلدى ىزدەپ جاتىر. قىز بالا الاتاۋ اۋدانى اۋماعىنان تابىلىپ، اۋرۋحاناعا جەتكىزىلگەن. دارىگەرلەر شاقالاقتىڭ دەنساۋلىعى جاقسى ەكەنىن ايتادى. ەندى ونى بوبەكتەر ۇيىنە ورنالاستىرۋ ءۇشىن قۇجاتتار راسىمدەلىپ جاتىر.

ىشكى ىستەر مينيسترلىگىنىڭ دەرەگىنشە، وتكەن جىلدان بەرى ەلىمىزدە وسىعان ۇقساس 44 دەرەك تىركەلگەن. ال ءوز بالاسىنا اياۋسىزدىق تانىتقان 1 مىڭعا جۋىق ادام اتا-انا قۇقىعىنان ايىرىلعان.

«كەلگەن كەزدەگى بالانىڭ جاعدايى قاناعاتتانارلىق. بالامەن بىرگە ىشەتىن تاماعى، ۋحودىنا قاجەتتى زاتتار بولدى. داىرگەرلىك ەم قابىلداۋ قاجەت ەمەس. ەندى ونى قالالىق بالار ۇيىنە وتكىزۋگە دايىنداپ جاتىرمىز»، – دەيدى الماتى قالاسى بالالار جۇقپالى اۋرۋلار اۋرۋحاناسىنىڭ ءبولىم مەڭگەرۋشىسى ءلاززات ەسقاليەۆا.

ۇقساس جاڭالىقتار

Back to top button