الماتى اكىمدىگى جانارماي قورى قانشا كۇنگە جەتەتىنىن ايتتى

الماتى اكىمىنىڭ ورىنباسارى الماس ماديەۆ جانارماي تاپشىلىعىنا قاتىستى تۇسىنىكتەمە بەردى، دەپ حابارلايدى قازاقپارات.

«الماتى جانارماي ستانسالارىنداعى جانارماي تاپشىلىعى ماسەلەسىن شەشۋ ءۇشىن اكىمدىك پەن ەنەرگەتيكا مينيسترلىگى بىرقاتار شارالار قابىلدادى. بۇگىندە ورتالىقتا «گەليوس»، «سينويل»، «قازمۇنايگاز» جەلىلىك رەسۋرستارىندا 15 توننا جانارماي كولەمىندە وپەراتسيالىق قور بار. بۇل قور 8-10 كۇنگە جەتەدى. سونداي-اق، ۇساق بولشەك جەلىلەرىندە 2-3 كۇنگە جەتەتىن قور بار»، – دەدى ا.ماديەۆ.

ونىڭ ايتۋىنشا، ەنەرگەتيكا ءمينيسترى قالا باسشىلىعىنا قاجەتتى جانارماي قورىمەن قامتاماسىز ەتەمىز دەپ ۋادە ەتكەن.  «تابيعي مونوپوليالاردى رەتتەۋ كوميتەتىمەن بىرىگە وتىرىپ قالا اكىمدىگى جانارماي ستانسالارىندا رەيد جۇرگىزەدى. ويتكەنى، ستانسالار جانارمايدىڭ جالعان تاپشىلىعىن تۋدىرىپ، قويماعا تىعىپ قويماي، قالا حالقىن قامتاماسىز ەتۋى كەرەك»، – دەدى ول. ايتا كەتۋ كەرەك، قازىرگى تاڭدا قالادا بىرقاتار ستانسالاردىڭ جەلىلەرىندە ەڭ ءوتىمدى اي-92 ماركالى جانارماي تەك تالونمەن بەرىلىپ جاتىر.

 

ۇقساس جاڭالىقتار

Back to top button