زيرات داۋىنا بايلانىستى اقتوبە اكىمى مينيسترلىكتەن ەسكەرتۋ الدى

اقتوبە قالاسىنىڭ اكىمىنە قاتىستى قازاقستان رەسپۋبليكاسىنىڭ باسەكەلەستىكتى قورعاۋ سالاسىنداعى زاڭناماسىن بۇزۋعا جول بەرمەۋ تۋرالى ەسكەرتۋ جولداندى.بۇل تۋرالى Tilshi.kz باسىلىمى حابارلايدى.

“2017 جىلى اقتوبە قالاسىنىڭ اكىمدىگىمەن وتكىزىلگەن تەندەردىڭ نەگىزىندە قالالىق قورىمدار “ەدينىي تسەنتر ريتۋالنىح ۋسلۋگ” جشس سەنىمگەرلىك باسقارۋىنا بەرىلدى. بۇقارالىق اقپارات قۇرالدارىندا جارىق كورگەن اقپارات بويىنشا بۇل سەرىكتەستىكتىڭ ريتۋالدىق قىزمەتتەرىنىڭ باعالارى قىمبات. بۇدان باسقا، بۇل مەكەمە تۇتىنۋشىلارعا قىزمەت كورسەتۋ ءۇشىن باسقا ريتۋالدىق مەكەمەلەرگە قالالىق قورىمدارعا جول بەرمەگەن”، — دەلىنگەن مينيسترلىكتىڭ حابارلاماسىندا.

وسىعان بايلانىستى، قازاقستاننىڭ ۇلتتىق ەكونوميكا مينيسترلىگى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ اقتوبە وبلىسى بويىنشا دەپارتامەنتى اقتوبە قالاسىنىڭ اكىمىنە قاتىستى قازاقستان رەسپۋبليكاسىنىڭ باسەكەلەستىكتى قورعاۋ سالاسىنداعى زاڭناماسىن بۇزۋعا جول بەرمەۋ تۋرالى ەسكەرتۋ جولدادى.

ۇقساس جاڭالىقتار

Back to top button