ەلباسى استانا قالاسىنىڭ 20 جىلدىعىن مەرەكەلەۋ تۋرالى وكىمگە قول قويدى

قر پرەزيدەنتى نۇرسۇلتان نازارباەۆ قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىن مەرەكەلەۋ تۋرالى وكىمگە قول قويدى.

بۇل تۋرالى اقوردانىڭ ءباسپاسوز قىزمەتى حابارلايدى. قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىن مەرەكەلەۋ تۋرالى قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىن مەرەكەلەۋدى دايىنداۋ جانە وتكىزۋ ماقساتىندا: 1. قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىن  دايىنداۋ جانە وتكىزۋ جونىندەگى كوميسسيا (بۇدان ءارى -كوميسسيا) قۇرىلسىن. 2. مىنالار: 1)  «ەل جۇرەگى – استانا» قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىن مەرەكەلەۋ تۇجىرىمداماسى; 2) كوميسسيا تۋرالى ەرەجە; 3) كوميسسيانىڭ قۇرامى بەكىتىلسىن. 3.  قازاقستان رەسپۋبليكاسىنىڭ ۇكىمەتى استانا جانە الماتى قالالارىنىڭ، وبلىستاردىڭ اكىمدەرىمەن بىرلەسىپ: 1) ەكى اي مەرزىمدە قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىن دايىنداۋ جانە وتكىزۋ جونىندەگى  ءىس-شارالار جوسپارىن ازىرلەپ، بەكىتسىن; 2)  قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىن وتكىزۋ جونىندەگى ءىس-شارالاردى ۋاقتىلى قارجىلاندىرۋدى قامتاماسىز ەتسىن. 4. وسى وكىمنىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

قازاقستان رەسپۋبليكاسىنىڭ              پرەزيدەنتى                                                                             ن. نازارباەۆ   استانا، اقوردا، 2017 جىلعى 27 قىركۇيەك № 188  

ۇقساس جاڭالىقتار

Back to top button