ءبىرتانوۆ مەديتسينالىق ساقتاندىرۋدىڭ ولقىلىعىن شەشتى

ءبىرتانوۆ مەديتسينالىق ساقتاندىرۋدىڭ ولقىلىعىن شەشتى. مەملەكەت باسشىسى نۇرسۇلتان نازارباەۆ ءوزىن-ءوزى جۇمىسپەن قامتىپ جۇرگەندەردى مىندەتتى الەۋمەتتىك مەديتسينالىق ساقتاندىرۋدان تىس قالدىرماۋعا تاپسىرما بەرگەن. سەبەبى وسى ساناتتاعى ازاماتتار جارنا تولەمەسە، بىرقاتار مەديتسينالىق قىزمەتتەردى الا المايدى، دەپ xابارلايدى قازاقپارات ءتىلشىسى.

مەملەكەت باسشىسىنىڭ تاپسىرماسىنا سايكەس، ءبىز مەديتسينالىق ساقتاندىرۋ ماسەلەلەرىن تاعى ءبىر مارتە تالقىلاپ شىقتىق. قازىرگى كەزدە ۇكىمەتكە دە، پارلامەنتكە دە اتالعان جۇيەنى ءتيىمدى ەنگىزۋگە ارنالعان ۇسىنىستاردى دايىنداپ جاتىرمىز. شىنى كەرەك، ءوزىن-ءوزى جۇمىسپەن قامتىپ جۇرگەندەرگە قاتىستى پروبلەما بار. ونى پرەزيدەنت تە اتاپ وتكەن. ءبىز ولاردى مەديتسينالىق ساقتاندىرۋدان تىس قالدىرا المايمىز. جاڭا جۇيەگە قاتىسپاعانى ءۇشىن مەديتسينالىق كومەكتىڭ كەيبىر تۇرلەرىن بەرمەۋگە دە قۇقىمىز جوق. الايدا ولار دا مەديتسينالىق ساقتاندىرۋعا بەلسەنە اتسالىسۋى قاجەت. وسىعان بايلانىستى ءبىز ۇسىنىستاردى دايىندادىق. جاقىن ارادا سونىڭ بارلىعىن ەلباسىنىڭ قاراۋىنا ەنگىزەمىز»، – دەدى قر دەنساۋلىق ساقتاۋ ءمينيسترى ەلجان ءبىرتانوۆ بۇگىن قر پرەزيدەنتى جانىنداعى ادام قۇقىقتارى جونىندەگى كوميسسيانىڭ كەڭەيتىلگەن وتىرىسىندا. ءمينيستردىڭ ويىنشا، الداعى ۋاقىتتا ءوزىن-ءوزى جۇمىسپەن قامتىپ جۇرگەن ازاماتتاردى تىركەۋ شارالارىن قولعا الۋ قاجەت. ءسويتىپ، ولاردى ەل ەكونوميكاسىن دامىتۋعا عانا ەمەس، مەديتسينالىق ساقتاندىرۋ جۇيەسىن ىسكە اسىرۋعا دا تارتقان ءجون.

ۇقساس جاڭالىقتار

Back to top button