وتانىنا ورالعان وتاحانوۆ اۋەجايدا ۇستالدى

ەكى جىل بويىندا تۇركيادا قاشىپ ءجۇرىپ، 27 قىركۇيەكتە وتانىنا ورالعان 63 جاستاعى وزبەك جازۋشىسى نۇرۋللو وتاحانوۆتى (نۇرۋللوح مۇحامماد راۋفحون) قۇقىق قورعاۋ ورگاندارى قىزمەتكەرلەرى تاشكەنت اۋەجايىنان ۇستاپ اكەتكەن.

جازۋشىنىڭ ايەلى گۇلنار وتاحانوۆا كۇيەۋىنىڭ «بۋ كۋنلار» («بۇل كۇندەر») كىتابى ەكسترەميستىك يدەيالاردى ناسيحاتتايدى دەگەن كۇدىككە الىنعانىن مالىمدەدى.

جازۋشى «بۋ كۋنلار» كىتابىندا وزبەكستاننىڭ تاۋەلسىزدىك العان جىلدارىنداعى دامۋ كەزەڭىن سىنعا العان. كىتاپتا يسلام كاريموۆ قۇرعان جۇيەنى قاتتى سىنعا الىپ، اۆتوريتاريزمگە تەڭەگەن.

نۋريللو وتاحانوۆ ستامبۇلدا ەكى جىل تۇرىپ، تاشكەنتكە ورالعان ەدى. ونى اۋەجايدان قۇقىق قورعاۋ ورگاندارىنىڭ قىزمەتكەرلەرى كۇتىپ الىپ، بىردەن قولىنا كىسەن سالعان.

جازۋشىنىڭ ايەلى كۇيەۋىمەن تەك ميليتسيا بولىمشەسىندە كەزدەسۋگە مۇمكىندىك العان. تەرگەۋشىلەر كۇيەۋىن ۇستاۋعا «بۋ كۋنلار» كىتابى سەبەپ بولدى دەگەن. سەبەبى ءدىن ىستەرى جونىندەگى كوميتەت اتالعان كىتاپتى «ەكسترەميستىك» دەپ تاپقان ەكەن.

ۇقساس جاڭالىقتار

Back to top button