بايىپتى باقىلاۋ – ناتيجە كەپىلى

مەملەكەت تاراپىنان حالىقتى باسپانامەن قامتۋعا ارنالعان «نۇرلى جەر» باعدارلاماسى حالىقتىڭ ءۇيلى-جايلى بولۋ ماقساتىن جۇزەگە اسىرۋعا ارنالعان. بۇگىندە اتىراۋ وبلىسىندا اتالعان باعدارلاما بويىنشا تۇرعىن ءۇي قۇرىلىسى قارقىن الۋدا.

«نۇر وتان» پارتياسى اتىراۋ قالالىق فيليالى توراعاسىنىڭ ورىنباسارى ادىلبەك زايدۋللين جانە قالالىق فراكتسيا مۇشەسى امانجول قونىسپاەۆ «نۇرلى جەر» باعدارلاماسى بويىنشا سالىنىپ جاتقان ۇيلەردىڭ قۇرىلىسىن باقىلادى.

«نۇرلى جەر» باعدارلاماسى بويىنشا اتىراۋ قالاسىنداعى بەرەكە ىقشاماۋدانىندا جالپى الاڭى 12 175 شارشى مەتر بولاتىن 195 پاتەرلىك 4 جالدامالى تۇرعىن ۇيلەردىڭ قۇرىلىس جۇمىستارى جۇرگىزىلۋدە. قۇرىلىس نىسانىن جۇرگىزۋدى قولعا العان «اتىراۋ ج.ب.ي-2005» جانە «Nomad كونستراكشەن» مەردىگەر كومپانيالارى قۇرىلىس جۇمىستارىن مەرزىمىندە ءبىتىرىپ، جاڭا قونىس يەلەرىن قۋانتۋعا جۇمىلا جۇمىس ىستەۋدە.

اتىراۋ قالالىق فيليالى توراعاسىنىڭ ورىنباسارى ادىلبەك جايداربەك­ ۇلى مەن قالالىق فراكتسيا مۇشەسى امانجول قونىسپاەۆ، اتىراۋ قالالىق قۇرىلىس ءبولىمىنىڭ وندىرىستىك-تەحنيكالىق سەكتورىنىڭ مەڭگەرۋشىسى دۋلات جۇماشەۆ «نۇرلى جەر» باعدارلاماسى بويىنشا سالىنىپ جاتقان ۇيلەردىڭ قۇرىلىسىن كورىپ، مەردىگەر كومپانيالاردىڭ باسشىلارىمەن جۇزدەسىپ، قۇرىلىس ساپاسى مەن قۇرىلىستىڭ جوبادا كورسەتىلگەن مەرزىمدە اياقتالۋىنا قاتىستى ساۋالدارعا جاۋاپ الدى.

– بەرەكە ىقشاماۋدانى – اتىراۋ قالاسىنىڭ ساۋلەتىنە جاڭاشا رەڭ بەرەتىن قۇرىلىس كەشەنى. كوپقاباتتى ۇيلەردىڭ «نۇرلى جەر» باعدارلاماسى بويىنشا سالىنىپ جاتقانى جانە ونىڭ قۇرىلىسى پارتيا باقىلاۋىندا ەكەنىن وزدەرىڭىز بىلەسىزدەر. بۇگىن قۇرىلىس باسىنا كەلىپ، جوبا بويىنشا بيىلعى جىلى اياقتالۋى ءتيىس ءۇي قۇرىلىستارىن كورىپ، پاتەرلەردىڭ ءىشىن، جىلۋ، سۋ، ەلەكتر جۇرگىزۋ جۇيەلەرىن كورىپ، مامانداردان قۇرىلىسقا قاتىستى ساۋالدارىمىزعا جاۋاپ الدىق. «نۇرلى جەر» باعدارلاماسىنىڭ باستى ماقساتى – حالىقتى باسپانامەن قامتۋ، تۇرعىن ءۇي قۇرىلىسىنىڭ ساپالى ءجۇرۋى ءارى ۋاقتىلى تاپسىرىلۋى ۇنەمى باقىلاۋدا بولادى. جالپى، بيۋدجەت قاراجاتىن جانە ۇلتتىق قوردان بولىنەتىن قاراجاتتى ءتيىمدى جۇمساۋ – اسا ماڭىزدى جانە ول – پارتيانىڭ تۇراقتى باقىلاۋىنداعى ماسەلە، – دەدى «نۇر وتان» پارتياسى اتىراۋ قالالىق فيليالى توراعاسىنىڭ ورىنباسارى ادىلبەك زايدۋللين.

اتىراۋ قالالىق قۇرىلىس ءبولىمىنىڭ وندىرىستىك-تەحنيكالىق سەكتورىنىڭ مەڭگەرۋشىسى دۋلات جۇماشەۆتىڭ ايتۋىنشا، «نۇرلى جەر» باعدارلاماسى بويىنشا تالقايران سەلولىق وكرۋگىنان 60 پاتەرگە (8 339،3 م2) جوبالىق-سمەتالىق قۇجاتتار دايىندالۋدا. قازىرگى ۋاقىتتا اتالعان تۇرعىن ۇيلەردىڭ قۇرىلىسىنا 9 مەردىگەر مەكەمە – «باتىس اليانس ستروي»، «سك اك حولدينگ»، «رازاستروي»، «جالىندى قۇرىلىس» «فيرما ارالا»، «ايبەك لتد»، «كازبەس­ستروي – 2007»، Nomad Construction group جانە «اتىراۋ ج.ب.ي-2005» جاۋاپكەرشىلىگى شەكتەۋلى سەرىكتەستىكتەرىمەن كەلىسىمشارت جاسالعان.

ۇقساس جاڭالىقتار

Back to top button