«تۇلپار-تالگو» پويىزى استانا مەن الماتىدان ورالعا بۇگىن جول تارتادى

«تۇلپار-تالگو» پويىزى استانا مەن الماتىدان ورالعا بۇگىن جول تارتادى. قازاقستان مەن رەسەي پرەزيدەنتتەرى نۇرسۇلتان نازارباەۆ پەن ۆلاديمير پۋتين وتكەن جىلعى كەزدەسۋى كەزىندە قول قويعان كەلىسىمگە سايكەس 26 قىركۇيەك كۇنى «استانا-ورال» جانە «الماتى-ورال» باعىتىنداعى العاشقى «تۇلپار-تالگو» جۇردەك جولاۋشىلار پويىزى جولعا شىعادى، دەپ حابارلايدى «قازاقپارات» ءتىلشىسى.

بقو اكىمدىگىنەن تۇسكەن مالىمەتكە قاراعاندا، «استانا-ورال» باعىتىنداعى پويىز «استانا-نۇرلى-جول» بەكەتىنەن 26 قىركۇيەك كۇنى ساعات 11.33-تە (استانا ۋاقىتى) شىعىپ، ورال قالاسىنىڭ تەمىرجول بەكەتىنە 27 قىركۇيەك كۇنى ساعات 11.42-دە (جەرگىلىكتى ۋاقىت) كەلىپ توقتايدى. ال «الماتى-ورال» باعىتىنداعى پويىز «الماتى-2» بەكەتىنەن 26 قىركۇيەك كۇنى ساعات 20.17-دە (استانا ۋاقىتى) قوزعالىپ، ورال قالاسىنىڭ تەمىرجول بەكەتىنە 28 قىركۇيەك كۇنى 09.37-دە (جەرگىلىكتى ۋاقىت) توقتايدى. «ورال-استانا» باعىتىنداعى پويىزدىڭ ءجۇرۋ ۇزاقتىعى 26 ساعات 14 مينۋتتى قۇراپ، 14 ساعات 33 مينۋتقا قىسقارادى. ال «ورال-الماتى» باعىتىنداعى پويىزدىڭ ءجۇرۋ ۇزاقتىعى 37 ساعات 11 مينۋتتى قۇراپ، 22 ساعات 29 مينۋتقا قىسقارادى. «ساراتوۆ-الماتى» باعىتىنداعى پويىزدىڭ ءجۇرۋ ۇزاقتىعى 40 ساعات 47 مينۋتتى قۇراپ، 10 ساعات 9 مينۋتقا قىسقارادى. «ورال-استانا» باعىتىنداعى پويىز تاق كۇندەرى، «ورال-الماتى» باعىتىنداعى پويىز جۇپ كۇندەرى جۇرەدى. جولاۋشىلار بيلەتىنىڭ باعاسى: «ورال-استانا» – 9 102 تەڭگە (كۋپە)، 17 623 تەڭگە (ليۋكس)، «ورال-الماتى» – 16 232 تەڭگە (كۋپە). ءار پويىز 27 ۆاگوننان تۇرادى. ونىڭ 22-ءسى – جولاۋشىلار، ەكەۋى – مەيرامحانا، ۇشەۋى – قىزمەت ۆاگونى.  ايتا كەتۋ كەرەك، جولاۋشىلار تاسىمالىنىڭ تيىمدىلىگىن ارتتىرۋ  ماقساتىندا رەسەي مەن قازاقستاننىڭ مەملەكەتتىك شەكارالارىنان ءوتۋ كەزىندەگى تەكسەرىستەر الىپ تاستالدى.

Back to top button