اسانباي اسقاروۆ –  95 جاستا

وڭتۇستىك قازاقستان وبلىسى ارداگەرلەر كەڭەسى، اسانباي اسقاروۆ اتىنداعى قور، شىمكەنت قالاسى اسقاروۆ اتىنداعى №77 مەكتەپ-ليتسەي ۇجىمىنىڭ ۇيىمداستىرۋىمەن شىمكەنت قالاسىنداعى اسقاروۆ كوشەسىندەگى ەڭسەلى ەسكەرتكىشى الدىندا مەملەكەت جانە قوعام قايراتكەرىنىڭ 95 جاسقا تولۋىنا ارنالعان شەرۋ ءوتتى. 

جيىندى وبلىستىق ارداگەرلەر كەڭەسى توراعاسى جەنىسبەك ماۋلەنقۇلوۆ اشىپ، اسقاروۆ اسانبايدىڭ قىسقاشا ءومىربايانى جانە اتقارعان قىزمەتتەرى جايلى تانىستىردى. وڭتۇستىك قازاقستان وبلىسى اكىمشىلىگىنىڭ  ىسكى ساياسات ءبولىمى باسشىسى تولەگەن بولات شەرۋگە قاتىسىپ، ءسوز سويلەپ، اسقاروۆ اسانباي جايلى وي-پىكىرلەرىمەن ءبولىستى. سونىمەن قاتار بىرگە قىزمەتتەس بولىپ جانە وسى ازاماتتىڭ تاربيەسىن العان، ءبىر توپ ارداگەرلەر  اجىمەتوۆ ن.، شەرىمكۋلوۆ د.، سۇگىرباەۆ س.، مىرزاحمەتوۆ ش.، تۇرعاراەۆ ب.، راحمانبەرديەۆ و.، قىستاۋوۆ ج.، ساندىباەۆ د.، ول ازاماتتىڭ حالىق شارۋاشىلىعى سالالارىنىڭ ەكونوميكاسىن تالداي بىلەتىن، ادامگەرشىلىگى مول، ەڭبەكقورلىعى، مامانداردى ىسكەرلىگىنە جانە قابىلەتتەرىنە  قاراي ءوسىرۋ، قىزمەتتەس بولعان ازاماتتاردىڭ وي-پىكىرلەرىن تىڭداي ءبىلۋى جايلى سىر شەرتتى. شەرۋدە مەكتەپ-ليتسەي وقۋشىلارى اسقاروۆتىڭ شىعارماشىلىعىن، وزدەرى جازعان ولەڭدەرىن وقىپ، جينالعان قاۋىمدى سەرپىلتىپ تاستادى. ال شەرۋ سوڭىندا اسقاروۆ اسانباي ەسكەرتكىشىنە، وبلىستىق ارداگەرلەر كەڭەسى، №77 مەكتەپ-ليتسەي ۇستازدارى مەن وقۋشىلارى، قوعامدىق ۇيىمدار، قىزمەتتەس بولعان ازاماتتار، جەكە تۇلعالار، تۋعان-تۋىسقاندارى اتىنان گۇل-شوقتارى قويىلدى.

ءىس-شارالار اسقاروۆ اسانباي اتىنداعى №77 مەكتەپ ليتسەيدە جالعاسىپ، ارداگەرلەر، مەيماندار،  ۇستازدار جانە وقۋشىلاردىڭ قاتىسىمەن ۇلكەن شەرۋ وتكىزىلىپ، قازاقستان رەسپۋبليكاسىنىڭ ءان-ۇرانى ورىندالىپ، مەكتەپ-ليتسەي الدىنداعى اسقاروۆ اسانباي ەسكەركىشىنە گۇل-شوقتارى قويىلدى. مەكتەپ-ليتسەي سىنىپتارىندا  اشىق ساباقتار وتكىزىلدى، شىعارمالارىنان كىتاپحانا-سۋرەتتەر بۇرىشى ۇيىمداستىرىلدى، كورشىلەس مەكتەپ-ليتسەي بالالارىمەن بىرنەشە سپورت تۇرلەرىنەن جارىستار وتكىزىلىپ، جەڭىمپازدار ماراپاتتالدى.  مەكتەپ ءماجىلىس زالىندا مەكتەپ-ليتسەي ۇجىمىنىڭ ۇيىمداستىرىپ وتكىزگەن ءىس-شارالارىنا قاتىسقان مەيماندار، ارداگەرلەر جاعىنان ون باعا بەرىلىپ، مەكتەپ-ليتسەي  ۇجىمىنا،  وقۋ-تاربيە جۇمىسىندا  تابىس تىلەپ، وقۋشىلارعا بولاشاق مانگىلىك ەلدىڭ ەكونوميكاسىن، الەۋمەتىن، مادەنيەت-ءبىلىم  سالالارىنىڭ وركەندەۋىنە ۇلەس قوساتىن ماماندار شىعاتىنىنا  سەنىم بىلدىرەتىن تىلەكتەر ايتىلدى.

ۇلى وتان سوعىسىنىڭ ارداگەرى، اسكەري شەنى پولكوۆنيك. اسانباي اسقاروۆ – ەكونوميكا عىلىمىنىڭ كانديداتى، حالىقارالىق اكمەولوگيا عىلىمدارى اكادەمياسىنىڭ اكادەميگى، ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى. 1951-1985 جىلدارى ارالىعىندا كومسومول، سوۆەت، پارتيا سالالارىندا قىزمەت اتقارعان. اسقاروۆ اسانباي كەزىندە الماتى قالاسى ارحيتەكتۋراسى جانە مادەني كورىنىسىن وزگەرتىپ، الماتى وبلىسىندا كۇرتى جانە قاپشاگاي ايماعىنداعى اقدالا جانە شەنگەلدى سۋعارىلۋ ماسسيۆتەرىن يگەرۋدى باستادى. جامبىل وبلىسىندا 2-ءشى تۇركسىبكە اينالعان حانتاۋ-سارىشاعان، شۋ-موينتى تەمىر جول بولىمدەرىن ىسكە  قوستى، وبلىستا فوسفور ءوندىرىسىنىڭ وركەندەۋىنە، حيمپروم وندىرىستىك بىرلەستىگىنىڭ نەگىزىن قالادى.  شىمكەنت قالاسىندا بالالار تەمىر جولى، دەندروپارك، حايۋاناتتار پاركى، جەو-3، كوپ قاباتتى ۇيلەر، جاساندى كول، مادەني، سپورت، ساۋدا ورتالىقتارى سالىندى. وبلىستىق جوسپاردا بولاشاق شىمكەنت قالاسىندا ۇلكەن كىتاپحانا سالۋ، سونىمەن قاتار قازىرگى تولەبي اۋدانىندا دەمالىس، شيپاجاي، قىسقى سپورت ويىندارى كەشەندەرىن سالۋ ماقسات ەتىپ قويىلعان بولاتىن. قازىرگى تاڭدا بۇل ماقساتتار تولەبي اۋدان ايماعىندا بىرتىندەپ شەشىلۋدە.

اسقاروۆ اسانباي اسقار ۇلىنىڭ كوپ جىلدارداعى كەڭەس ۇكىمەتى مەن حالقىنا، كوممۋنيستىك پارتياعا سىڭىرگەن ەڭبەكتەرى جوعارى باعالانىپ، سوتسياليستىك ەڭبەك ەرى اتاعى بەرىلدى. ول 5 رەت لەنين، 2 رەت قىزىل جالاۋ، وكتيابر رەۆوليۋتسياسى وردەندەرىمەن ماراپاتتالدى، ەگەمەندى ەلىمىز وتان وردەنىمەن ماراپاتتادى. مۋحامەد حايدار دۋلاتي اتىنداعى قوردىڭ پرەزيدەنتى،  تاراز، شىمكەنت قالالارى جانە وڭتۇستىك قازاقستان وبلىسىنىڭ قۇرمەتتى ازاماتى.

1986 جىلى قازاقستان ورتالىق پارتيا كوميتەتىنىڭ كولبين باسقارعان كەزدە، ودان كەيىن دە اسەكەڭنىڭ باسىنا اۋىر كۇندەر تۋىپ، ءتورت جىلد ان اسا ۋاقىت قاماۋدا بولدى. اسقاروۆقا جاعىلعان جالا 80-جىلدارى بەلەڭ العان قازاق زيالىلارىن قۋعىنداۋدىڭ قۇرامداس بولىگى ەدى. تەرگەۋ كەزىندە وعان 1986 جىلى جەلتوقسان كوتەرىلىسىن  ۇيىمداستىرۋعا  قاتىسى بار، ۇلتشىلدىعى سياقتى «كىنالار» تاعىلدى. ا. اسقاروۆقا تاعىلعان ايىپتىڭ مۇلدەم نەگىزسىزدىگى انىقتالىپ، قىرعىز رەسپۋبليكاسى جوعارعى سوتى تورالقاسىنىڭ شەشىمىمەن ول تولىق اقتالدى جانە ازاماتتىق قۇقىقتارى قالپىنا كەلتىرىلدى.

ا. اسقاروۆ – «تاعدىر»، «جۇماق پەن توزاق جىرلارى»، «كوزقاراس»، « ۇلى تۇراننىڭ ۇلدارى» كىتاپتار مەن ولەڭ جيناقتارى اۆتورى.

اسقاروۆ اسانباي اسقار ۇلىنا – 95 جىلدىعىنا  ارنالعان ءىس شارالارىنىڭ سوڭىنان، وبلىستىق اسقاروۆ اسانباي  اتىنداعى قور پرەزيدەنتى ساندىباەۆ داۋرەنبەك اس بەرىپ، قۇران باعىشتاپ، ءىس شارالارعا قاتىسقان وبلىستىق ارداگەرلەر كەڭەسىنە، ارداگەرلەرگە، مەيماندارعا، №77 مەكتەپ-ليتسەي ۇجىمىنا، شەرۋدى ۇيىمداستىرۋ القاسىنا راحمات ايتىپ، بولاشاقتا – اسانباي اسقاروۆتىڭ 100 جىلدىعىن وتكىزۋ تۋرالى باعدارلاما جاسالىپ جاتقانىن ءسوز ەتتى.

 

ايتباي ماحامبەت، شىمكەنت قالاسى

 

 

ۇقساس جاڭالىقتار

Back to top button