سەگىز ەلدىڭ ازاماتتارىنا اقش-قا كىرۋگە تىيىم سالىنادى

سەگىز ەلدىڭ ازاماتتارىنا اقش-قا كىرۋگە تىيىم سالىنادى. اقش پرەزيدەنتى دونالد ترامپ بىرنەشە ەلدىڭ ازاماتتارىنا – ۆەنەسۋەلا، كحدر جانە چاد ەلدەرىنە اقش-قا كىرۋگە قاتىستى شەكتەۋ شارالارىن قاتاڭداتتى.

بۇل تۋرالى پرەزيدەنتتىڭ مالىمدەمەسىندە ايتىلادى، – دەپ حابارلايدى ريا نوۆوستي. 18 قازاننان باستاپ ۆەنەسۋەلا، كحدر جانە چاد ەلدەرىنە ەلگە كىرۋ تۋرالى تىيىم زاڭدى كۇشىنە ەنەدى. سونداي-اق، قارا تىزىمدە يران، يەمەن، ليۆيا، سيريا جانە سومالي ەلدەرى بار. باسىلىمنىڭ مالىمەتىنشە، اقش-قا كىرۋگە ۆەنەسۋەلاداعى بىرنەشە مەكەمەدەگى مەملەكەتتىك شەنەۋنىكتەرگە، ولاردىڭ وتباسى مۇشەلەرىنە، سونداي-اق، بيزنەس-ۆيزا مەن تۋريستىك ۆيزا يەلەرىنە تىيىم سالىنىپ وتىر. سونداي-اق، جارلىقتا باسقا كاتەگورياداعى ۆيزا يەلەرىنە دە قوسىمشا شەكتەۋ قويىلاتىنى ايتىلادى. ترامپ ءوز كەزەگىندە بۇل ارەكەتىن يمميگرانتتاردى قاۋىپسىز تۇردە ىرىكتەي الماي جاتقانىمەن ءتۇسىندىرىپ وتىر. «مەن ءۇشىن ەڭ باستىسى – امەريكانىڭ قاۋىپسىزدىكتە بولۋى. ءبىز كەلگەن ادامداردى قاۋىپسىزدىكپەن قامتاماسىز ەتە المايتىندىقتان ولاردى ءوز ەلىمىزگە قابىلداي المايمىز»، – دەپ جازدى دونالد ترامپ Twitter جەلىسىندەگى پاراقشاسىندا. سونداي-اق، پرەزيدەنتتىڭ رەسمي مالىمدەمەسىندە كحدر مەن ۆەنەسۋەلانىڭ ۆيزا ماسەلەسى بويىنشا امەريكا بيلىگىندەگىلەرمەن بىرگە قىزمەت ىستەمەگەندىكتەن قارا تىزىمگە ەنگىزىلگەنى ايتىلادى.

ۇقساس جاڭالىقتار

Back to top button