Жамбыл облысы Қаратау қаласында кәріз суы жиналған көлден су ішкен төрт түлік қырыла бастады. Соңғы үш тәуліктің ішінде 11 бас жылқы мен 11 бас қой арам қатыпты. Жергілікті тұрғындардың айтуынша, аталған көлге елдімекен іргесіндегі Натрий-цианид зауытынан шыққан улы қалдықтар төгіліп жатыр екен. Жұтқа да себеп осы дейді шаруалар.
11 жылқы алдымен тәлтіректеп, кейін мүлдем жүре алмайды қалды дейді қаратаулықтар. Не болғанын анықтап болмайынша бірінен соң бірі сеспей қатқан. Қиналғандары сонша, буаз биелер құлын тастап қойыпты. Кейбірінің мұрнынан су аққан.