عالىم قۇسايىنوۆ «بانك تسەنتركرەديت» اق باسشىسى بولىپ تاعايىندالدى

 «بانك تسەنتركرەديت» اق (بتسك) ديرەكتورلار كەڭەسىنىڭ شەشىمىمەن بانكتىڭ باسقارما توراعاسى قىزمەتىنە عالىم قۇسايىنوۆ تاعايىندالدى، دەپ حابارلايدى «قازاقپارات» حاا ءتىلشىسى بانكتىڭ ءباسپاسوز قىزمەتىنە سىلتەمە جاساپ.

مۇنداي شەشىم بۇگىن بتسك ديرەكتورلار كەڭەسىنىڭ جينالاسىندا قابىلداندى. عالىم قۇسايىنوۆ 2005 جىلى ف. م. دوستوەۆسكي اتىنداعى ومبى مەملەكەتتىك ۋنيۆەرسيتەتىنىڭ ەكونوميكا فاكۋلتەتىن ۇزدىك بىتىرگەن. MBA دارەجەسىنىڭ يەگەرى، ACCA باعدارلاماسى بويىنشا وقۋىن اياقتاپ جاتىر. ول ءوز قىزمەتىن «ومسك-پوليمەر» جشق-دا باستاعان، كەيىن 2009 جىلى «زارەچنوە» بك اق باس ديرەكتورىنىڭ ەكونوميكا جانە قارجى جونىندەگى ورىنباسارى قىزمەتىنە تاعايىندالدى. 2011 جىلدان قازىرگى تاڭعا دەيىن عالىم قۇسايىنوۆ بتسك ديرەكتورلار كەڭەسىنىڭ توراعاسى باقىتبەك بايسەيىتوۆتىڭ كومانداسىندا جۇمىس ىستەپ كەلەدى. بيىل مامىر ايىنان بەرى ول بانكتە اتقارۋشى ديرەكتور-باسقارما مۇشەسى رەتىندە ەڭبەك ەتىپ كەلدى. بۇدان بۇرىن بتسك باسقارما توراعاسىنىڭ بۇرىنعى ورىنباسارى ۆلاديسلاۆ لي ءوز قىزمەتىن توقتاتۋ تۋرالى شەشىم قابىلداپ، جۇمىستان كەتۋ تۋرالى ارىز جازعان بولاتىن. بۇدان بولەك، ۆلاديسلاۆ لي ديرەكتورلار كەڭەسىنە قاراستى كوميتەتتەرگە بەلسەندى قاتىسىپ، بانكتىڭ ماڭىزدى كليەنتتەرىمەن ءتيىمدى بايلانىس ورناتۋىن جالعاستىراتىن بولادى.

 

Back to top button