شىمكەنتتىك قىلمىس الەمىنىڭ سەركەسى رەسەيدە ۇستالدى

شىمكەنتتىك قىلمىس الەمىنىڭ سەركەسى دەلىنگەن رافاەل بيكباەۆ رەسەيدە ۇستالدى، – دەپ حابارلايدى Tengrinews.kz ءتىلشىسى قر ءىىم ءباسپاسوز قىزمەتىنە سىلتەمە جاساپ.

«وڭتۇستىك قازاقستان وبلىستىق ءىىد ۇيىمداسقان قىلمىستىق توپپەن كۇرەس جونىندەگى بولىمشە قىزمەتكەرلەرى 2016 جىلدىڭ قازان ايىنان بەرى بۇعان دەيىن ەسىرتكى زاتتارىنىڭ زاڭسىز اينالىمى ءۇشىن بىرنەشە رەت سوتتى بولعان قىلمىس الەمىنىڭ «اۆتوريتەتى» رافاەل بيكباەۆتىڭ باسشىلىق ەتكەن قىلمىستىق توبىن بەلسەندى تۇردە تەكسەردى»، – دەپ حابارلادى ۆەدومستۆونىڭ ءباسپاسوز قىزمەتى. بيكباەۆ باسقارعان ۇيىمداسقان قىلمىستىق توپ وڭتۇستىك قازاقستان وبلىسى تەرريتورياسىندا بوپسالاۋمەن جانە رەيدەرلىكپەن اينالىسقان دەلىنەدى.  «بيىل ناۋرىزدا پوليتسيا قىزمەتكەرلەرى وڭتۇستىك كورەيانىڭ جابىرلەنۋشى ازاماتىن انىقتادى، ول 2014 جىلى شيكىزات وڭدەۋ فابريكاسىن سالىپ، كاسىپكەرلىك قىزمەتپەن اينالىسقان. بيكباەۆتىڭ قىلمىستىق توبى قورقىتۋ، بوپسالاۋ جانە شانتاج ارقىلى فابريكانى ءوز مۇشەلەرىنىڭ ءبىرىنىڭ اتىنا جازدىرىپ العان»، – دەلىنگەن حابارلامادا.

ال ماۋسىم ايىنىڭ سوڭىندا شىمكەنت قالالىق جەدەل توپتارى قىلمىستىق توپتىڭ 9 مۇشەسىن ءبىر ۋاقىتتا ۇستاعان. ولار ءوز كەزەگىندە قىلمىسىن مويىنداپ، بيكباەۆقا قاتىستى كورەيا ازاماتىنىڭ فابريكاسىن زاڭسىز الىپ قويۋ دەرەگى بويىنشا كۋالىك بەركەن.  2 تامىزدا بيكباەۆقا مەملەكەتارالىق ىزدەۋ جاريالانعان.  مۇنىمەن قاتار، بيكباەۆتىڭ توپ بولىپ، زورلىق كورسەتۋ، بۇزاقىلىق جاساۋ جولىمەن بىرنەشە رەت بوپسالاۋ قىلمىسىنا قاتىسى بار انىقتالعانى ايتىلادى. ال 16 قىركۇيەكتە قر مەن رەسەي ءىىم قىزمەتكەرلەرى جەدەل ىزدەستىرۋ شارالارىنىڭ بارىسىندا رافاەل بيكباەۆتى ماسكەۋ وبلىسىنداعى رامەنسكي اۋدانىندا قىرعىز رەسپۋبليكاسىنىڭ ازاماتى ەكەندىگىن انىقتايتىن جالعان پاسپورتپەن ۇستاعان.  ۆەدومستۆو مالىمەتىنشە، قازىرگى ۋاقىتتا بيكباەۆتى قازاقستانعا ەكستراديتسيالاۋ ماسەلەسى شەشىلىپ جاتىر.

Back to top button