سەمەيدە اسكەري كولىك اۋدارىلىپ، سارباز كوز جۇمدى

سەمەيدە اسكەري كولىك اۋدارىلىپ، ناتيجەسىندە اسكەري بولىمشەنىڭ جۇرگىزۋشى-مەحانيگى قايتىس بولدى. بۇل تۋرالى قورعانىس مينيسترىلىگىنىڭ ءباسپاسوز قىزمەتى حابارلادى. 

بۇگىن ساعات 14.30-دا اسكەري دايىندىقتان قايتىپ كەلە جاتقان برونەۆيك جول اپاتىنا ءتۇستى. سالدارىنان جۇرگىزۋشى-مەحانيك قايتىس بولدى.

قازىرگى تاڭدا  جول اپاتىنىڭ سەبەپتەرى انىقتالىپ جاتىر. ءىستىڭ ءمان-جايىن انىقتاۋ ءۇشىن ارنايى كوميسسيا تاعاىندالعان. قازاقستان قورعانىس مينيسترىلىگىنىڭ باسشىلىعى مەن قارۋلى كۇشتەر قۇرامى قايتىس بولعان قىزمەتكەردىڭ وتباسىنا قايعىرىپ كوڭىل ايتادى.

ايتا كەتۋ كەرەك، بۇعان دەيىن اۋدارىلىپ جاتقان اسكەري كولىكتىڭ سۋرەتىن Facebook جەلىسىنىڭ قولدانۋشىسى جەلىگە سالعان. كۋاگەرلەر ۇسىنعان اقپارات بويىنشا، مامانداندىرىلعان كولىك كوپىردىڭ ماڭىندا اپاتقا تۇسكەن.

 

ۇقساس جاڭالىقتار

Back to top button