قازاقستان ميگراتسيا ساياساتىن وزگەرتپەك

قازاقستان بيلىگى ەلدە ىشكى ميگراتسيانىڭ ارتۋى مەن شەتەل ازاماتتارىنىڭ كوبەيۋىنە بايلانىستى شەتەل ماماندارىنا جۇمىس ىستەۋگە رۇقسات بەرۋدى وزگەرتپەكشى.

بۇگىن استانادا ۇكىمەت وتىرىسىندا قازاقستاننىڭ ەڭبەك جانە الەۋمەتتىك قورعاۋ ءمينيسترى تامارا دۇيسەنوۆا 2017-2021 جىلدارعا ارنالعان ميگراتسيلىق ساياسات تۇجىرىمداماسىن تانىستىردى. وعان سايكەس شەتەلدىك ازاماتتارعا جۇمىس ىستەۋگە رۇقسات قاعازدىڭ مەرزىمى ماماننىڭ كاسىبي دەڭگەيىنە بايلانىستى بولادى.

اتاپ ايتقاندا، كاسىبي بىلىكتىلىگى تومەن مامانعا ءبىر جىلعا دەيىن رۇقسات قاعاز بەرەدى. ال جوعارى بىلىكتى مامان ەلدە ءۇش جىلعا دەيىن جۇمىس ىستەۋگە رۇقسات الادى.

مينيسترلىكتىڭ اقپاراتى بويىنشا، سوڭعى بەس جىلدا قازاقستانعا جۇمىس ىستەۋگە 300 مىڭ شەتەل ازاماتى كەلگەن.

 

Back to top button