سيريا ۇكىمەتىنىڭ دەلەگاتسياسى – استانادا

سيريا ۇكىمەتىنىڭ دەلەگاتسياسى استاناعا سيريا بەيبىت كەلىسسوزىنە قاتىسۋعا كەلدى دەپ حابارلايدى جەرگىلىكتى اقپارات قۇرالدارى سىرتقى ىستەر مينيسترلىگىنە سىلتەمە جاساپ.

«دەلەگاتسيانى ادەتتەگىدەي سيريانىڭ بۇۇ-داعى تۇراقتى وكىلى باشار دجافاري باستاپ كەلدى. ەرتەڭ پروتسەسكە قاتىساتىن باسقا دا دەلەگاتسيالارمەن كەلىسسوز وتەدى دەپ جوسپارلانعان. سيريا قارۋلى وپپوزتسياسى دەلەگاتسياسى دا كەلىسسوزگە كەلەدى دەپ وتىرمىز» دەپ حابارلادى مينيسترلىكتىڭ ءباسپاسوز قىزمەتى.

بۇعان دەيىن سىرتقى ىستەر مينيسترلىگى سيريا قاقتىعىسىن رەتتەۋ جونىندەگى بەيبىت كەلىسسوزدىڭ التىنشى كەزەڭى استانادا 14-15 قىركۇيەكتە وتەتىنىن حابارلاعان بولاتىن. كەلىسسوزدەن ءبىر كۇن بۇرىن، 13 قىركۇيەكتە گارانت ەلدەر – رەسەي، تۇركيا مەن يراننىڭ بىرلەسكەن جۇمىسشى توبىنىڭ وتىرىسى وتپەك.

گارانت ەلدەردىڭ اقپاراتىنا قاراعاندا، الداعى كەلىسسوزدە دەەسكالاتسيا ايماقتارىن باقىلايتىن كۇشتەردىڭ قىزمەتىن رەتتەيتىن قۇجاتتار قاراستىرىلىپ، سيريانىڭ سولتۇستىك-باتىسىنداعى يدليب پروۆينتسياسىندا ءتورتىنشى دەەسكالاتسيا ايماعىن قۇرۋ ماسەلەسى تالقىلانباق.

 

ۇقساس جاڭالىقتار

Back to top button