گولوۆكين مەن الۆارەس كوز ءتۇيىستىردى

ورتا سالماقتا WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق بوكسشى گەننادي گولوۆكين (37-0، 33 كو) مەن مەكسيكالىق بوكسشى ساۋل «كانەلو» الۆارەس (49-1-1، 34 كو) جەكپە-جەك الدىندا قورىتىندى ءباسپاسوز ءماسليحاتىن وتكىزدى، دەپ حابارلادى Vesti.kz.

گولوۆكين پروموۋتەرلەرگە، دەمەۋشىلەر مەن ۇيىمداستىرۋشىلارعا، سونىمەن قاتار، HBO PPV تەلەارناسىنا العىس ءبىلدىردى .

«بۇل بوكس ءۇشىن وتە ماڭىزدى ۋاقىت. مەن كوپ سويلەگىم كەلمەيدى. مەن دايىنمىن، الۆارەستىڭ كومانداسىن قۇرمەتتەيمىن. بۇل ءبىز ءۇشىن ماڭىزدى كۇن! 16 قىركۇيەكتە T-Mobile ارەناسىنا قوش كەلدىڭىزدەر، بۇل ءىرى ءارى تاريحي جەكپە-جەك. 16 قىركۇيەكتە كەزدەسكەنشە»، – دەدى گولوۆكين.

الۆارەس ءوزىن قولداۋشىلارعا العىس ءبىلدىردى.

«سىزدەر مەنى بىلەسىزدەر: مەن كوپ سويلەي المايمىن. مەنىڭ بار ايتپاعىم – مەن دايىنمىن. جەكپە-جەكتىڭ تىم اۋىر بولاتىنىن بىلەمىن، بىراق مەن وعان دايىنمىن. سىزدەر وسى جەكپە-جەكتەن ءلاززات السىن دەگەن تىلەكتەمىن. سەنبىدە كەزدەسكەنشە»، – دەدى الۆارەس.

ءباسپاسوز كونفەرەنتسياسى اياقتالعاننان كەيىن بوكسشىلار كوز ءتۇيىستىردى.

ۇقساس جاڭالىقتار

Back to top button