رەسەي مەن اقش يادرولىق قارۋدى ازايتۋ كەلىسىمىن تالقىلايدى

اقش پەن رەسەي تاياۋدا 2010 جىلى قول قويىلعان يادرولىق قارۋدى ازايتۋ كەلىسىمىن ورىنداۋ ماسەلەسىن ساراپشىلار دەڭگەيىندە تالقىلاۋدى جوسپارلاپ وتىر دەپ حابارلادى رەسەي سىرتقى ىستەر ءمينيسترىنىڭ ورىنباسارى سەرگەي ريابكوۆ.

حەلسينكيدە اقش مەملەكەتتىك حاتشىسىنىڭ ورىنباسارى توماس شەننونمەن كەزدەسكەن ريابكوۆ رەسەيلىك اگەنتتىكتەرگە امەريكالىق ارىپتەسىمەن كەلىسىم شارتسىز ىسكە اسىرىلۋى ءتيىس دەگەن مامىلەگە كەلگەنىن ايتتى.

جاڭا ستراتەگيالىق قارۋ-جاراقتاردى ازايتۋ كەلىسىمى بويىنشا، ەكى ەلدەن دە 1550 يادرولىق وقتۇمسىق پەن 800 ۇشىرۋ جۇيەسى ازايتىلۋى ءتيىس.

ستراتەگيالىق قارۋ-جاراقتاردى قىسقارتۋ كەلىسىمى – ۆاشينگتون مەن ماسكەۋدىڭ قارىم-قاتىناسى ناشارلاعان تۇستا ساقتالىپ تۇرعان يادرولىق قارۋعا قاتىستى ساناۋلى كەلىسىمدەردىڭ ءبىرى.

اقش پەن رەسەيدى ورتا جانە الىس قاشىقتىققا ارنالعان زىمىرانعا تىيىم سالاتىن كەلىسىمدى بۇزىپ وتىر دەپ ايىپتايدى. ال ماسكەۋ بولسا ۆاشينگتون پلۋتوني قارۋىن ۋتيليزاتسيالاۋ تۋرالى كەلىسىمدى ورىنداماي وتىر دەپ ايىپتاپ، كەلىسىمنەن شىعاتىنىن مالىمدەگەن.

ريابكوۆ شەننونمەن كەزدەسكەن سوڭ سونىمەن قاتار رەسەي سان-فرانتسيسكودا جابىلعان باس كونسۋلدىعى مەن اقش-تىڭ ەكى قالاسىنداعى ساۋدا ميسسياسىن قالپىنا كەلتىرۋگە مۇمكىندىك بار دەپ ويلامايتىنى ايتتى.

اقش مەملەكەتتىك دەپارتامەنتىنىڭ رەسمي وكىلى حيزەر نويەرت شەننون مەن ريابكوۆتىڭ كەزدەسۋىنە بايلانىستى ەشقانداي تۇسىنىكتەمە بەرمەدى.

 

Back to top button