پۋتين پرەزيدەنتتىك سايلاۋعا قاتىساتىنىن قاراشادا جاريالايدى

باق: پۋتين پرەزيدەنتتىك سايلاۋعا قاتىساتىنىن قاراشادا جاريالايدى. ۆلاديمير ءپۋتيننىڭ پرەزيدەنتتىك كامپانيا ستراتەگياسى جوسپارلانىپ قويدى. ول ەكى كەزەڭنەن تۇرادى. وسىلاي دەپ «كوممەرسانت» باسىلىمىنا كرەمل دەرەككوزى حابارلاعان.

ءبىرىنشى كەزەڭى بيىلعى جىلدىڭ قاراشا ايىندا جوسپارلانعان. وندا ۆلاديمير پۋتين رەسمي تۇردە سايلاۋعا قايتا تۇسەتىنىن رەسمي جاريالايدى. دەرەككوزدىڭ اتاپ وتكەنىندەي، بۇل «ازاماتتىق قوعاممەن كەزدەسۋ بارىسىندا، حالىق ودان سايلاۋعا قايتا ءتۇسۋىن سۇرايدى. كۇزدە بەلگىلەنگەندەي، رەسەي پرەزيدەنتى بىرنەشە حالىقتىق شارالارعا قاتىسادى. كرەمل 30 قازاندا ساياسي رەپرەسسيا قۇرباندارىن ەسكە الۋ كۇنىنە وراي ەسكەرتكىش اشۋعا دايىندالىپ جاتىر. مۇنان بولەك رەسەي 4 قاراشادا حالىق بىرلىگى كۇنىن جانە 7 قاراشادا رەۆوليۋتسيانىڭ 100 جىلدىعىن اتاپ وتەدى.

ەكىنشى كەزەڭ وتە قىسقا مەرزىم ىشىندە زاڭدى تۇردە پۋتين سايلاۋعا ءوزىن ۇسىنۋ ءۇشىن سايلاۋشىلار قولىن جينايدى. كرەمل ايماقتىق بيلىككە 2018 جىلى پرەزيدەنت سايلاۋىندا ءپۋتيننىڭ سەنىمدى وكىلدەرى بولاتىن ادامداردىڭ ءتىزىمىن جيناۋدى تاپسىرىپ قويعان. تىزىمگە جاڭا ەسىمدەر مەن جاستار ەنگىزىلەدى دەيدى دەرەككوز.

رەسەيدە پرەزيدەنت سايلاۋى 2018 جىلدىڭ 18 ناۋرىزىندا وتەدى. ۆلاديمير پۋتين ازىرگە رەسمي تۇردە سايلاۋعا تۇسەتىن نە تۇسپەيتىنىن جاريالاعان جوق.

 

ۇقساس جاڭالىقتار

Back to top button