وقۋ بولمەلەرىنە سىيماعان اتىراۋلىق وقۋشىلار دالىزدە ءبىلىم الۋدا

اتىراۋدا وقۋ بولمەلەرىنە سىيماعان وقۋشىلار دالىزدە وقۋعا ءماجبۇر. ياعني ءۇش اۋىسىمدى جويۋ ءۇشىن قازىر مەكتەپ دالىزدەرى پلاستيكپەن ءبولىنىپ، شاعىن سىنىپتار جابدىقتالىپ جاتىر، دەپ حابارلايدى كتك ارناسى.

مۇنداي وزگەرىستەر اسىرەسە جاڭادان سالىنعان، ءدالىزى كەڭ مەكتەپتەردە جاسالۋدا. قازىر قالادا وسىنداي 4 مەكتەپ بار. ءبىلىم باسقارماسىنداعىلاردىڭ ايتۋىنشا، بيىلعى وبلىستاعى وقۋشىلاردىڭ سانى – 112 000. ونىڭ 15 مىڭى – بىرىنشە رەت مەكتەپ تابالدىرىعىن اتتاعاندار. بۇل بىلتىرعىمەن سالىستىرعاندا بەس مىڭعا كوپ بولىپ وتىر.

«5 كۇندىككە كوشۋگە بايلانىستى بۇگىنگى تاڭدا ءۇش كەزەڭگە شىعىپ كەتۋ قاۋپى بار مەكتەپتەردى وسى امالدان شىعىپ، تالاپقا سايكەس، بالالاردىڭ دەنساۋلىعىنا كەدەرگى كەلتىرمەيتىندەي قىلىپ، بولمەلەردى بولگەن بولاتىنبىز سىنىپقا»، – دەيدى اتىراۋ وبلىستىق ءبىلىم بەرۋ باسقارماسىنىڭ باسشىسى نۇرساۋلە سايلاۋوۆا.

ۇقساس جاڭالىقتار

Back to top button