Лондонда наразылық шеруі өтті
Лондонда наразылық шеруі өтті
Лондонда Ұлыбританияның Еуропалық Одақтан шығуына қарсы наразылық шеруі өтті, –деп хабарлайды 24.kz арнасы.
Шараға ондаған мың адам қатысты. Оның арасында саяси партиялардың өкілдері мен қоғам қайраткерлері бар. Шерушілер алдымен шаһардағы гайд-паркке жиналып, содан кейін парламентке бет алды. Өйткені ағылшын парламенті өткен бейсенбі күні премьер-министр Тереза Мэйге ұйыммен келіссөз жүргізуде ерекше өкілеттік беру мәселесін талқылауға кіріскен болатын. Алайда шерушілер қазір Одақтан шығуды қолдаушылардың саны азайғанын айтады. Бірақ Британ үкіметі Brexit-ті қандай қиындыққа қарамастан жүзеге асыратынын бірнеше мәрте мәлімдеді. Айта кету керек, Ұлыбритания Еуроодақты 2019 жылы наурыздың 29-ында тастап шығуы тиіс.