ترامپ فلوريدانى ءىرى اپات ايماعى دەپ جاريالادى

ترامپ فلوريدانى ءىرى اپات ايماعى دەپ جاريالادى. اقش پرەزيدەنتى دونالد ترامپ فلوريدا شتاتىنىڭ گۋبەرناتورى ريك سكوتتىڭ اتالعان شتاتتىڭ ايماعىن ءىرى تابيعي اپات ايماعى دەپ جاريالاۋ جونىندەگى ۇسىنىسىن بەكىتتى، دەپ حابارلايدى تاسس.

اتالمىش شەشىم فەدەرالدىق قارجىنى «يرما» داۋىلىنان زارداپ شەككەندەرگە ەشقانداي كەدەرگىسىز جۇمساۋعا مۇمكىندىك بەرەدى. سونداي-اق مەملەكەتتىك قىزمەتكەرلەردىڭ بەلگىلەنگەن مولشەردەن تىس جۇمىسىنا وتەماقى تولەۋگە مۇمكىندىك بەرەدى، دەپ ءتۇسىندىردى گۋبەرناتور. ول مەملەكەت باسشىسىنىڭ جىبەرىلگەن ءوتىنىشتى ازداعان ۋاقىتتىڭ ىشىندە-اق بەكىتكەندىگىن جەتكىزدى. «يرما» داۋىلى ءتونىپ تۇرعاندا فلوريدانى ەل حالقى تۇگەل قولدايتىنى تۇسىنىكتى. مەن سونداي-اق الەمنىڭ تۇكپىر-تۇكپىرىندەگى حالىقتاردىڭ فلوريداعا قولداۋ كورسەتكىسى كەلەتىنىن بىلەمىن. بۇل ارينە، ادامنىڭ ريزاشىلىعىن تۋدىرادى. سول سەبەپتى مەن فلوريدا تۇرعىندارىنىڭ اتىنان بىزگە كورسەتىلىپ وتىرعان قولداۋدى، ىنتىماقتاستىقتى جوعارى باعالايتىنىمىزدى ايتىپ وتكىم كەلەدى»،-دەدى گۋبەرناتور.

ۇقساس جاڭالىقتار

Back to top button