بۇگىندە يسلام الەمى حالقىنىڭ 55 پايىزى ساۋاتسىز

بۇگىندە يسلام الەمى حالقىنىڭ 55 پايىزى ساۋاتسىز. ەردوعان استانادا ءوتىپ جاتقان يسلام ىنتىماقتاستىعى ۇيىمىنىڭ عىلىم جانە تەحنولوگيا جونىندەگى بىرىنشى سامميتىندە يسلام ەلدەرىندەگى حالىقتىڭ بىلىمسىزدىگى تۋرالى ايتتى، – دەپ حابارلايدى Tengrinews.kz.

  «ء;بىز ءومىرىمىزدىڭ سوڭىنا دەيىن ۇستاۋعا كەڭەس بەرەتىن ءدىندى ۋاعىزدايمىز. يسلام وركەنيەتى – بۇل عىلىم مەن ءبىلىم. مۇسىلماندار الەمدىك ساياساتتى العا تارتقان ۋاقىتتا ولار ءبىلىم مەن عىلىم جانە يننوۆاتسيانىڭ ورتالىعى بولدى. مۇسىلماندار عىلىم مەن وقۋ زەرتتەۋدى ەكىنشى ورىنعا قويعان ۋاقىتتا توقىراۋ كەزەڭى باستالدى»، – دەدى رەجەپ تايپ ەردوعان. «بۇگىندە يسلام الەمى حالقىنىڭ 55 پايىزى ساۋاتسىز. ەكونوميكالىق ىنتىماقتاستىق جانە دامۋ ۇيىمى ەلدەرىندە بىلىمگە جالپى ىشكى ءونىمنىڭ 5،2 پايىزى بولىنسە، يسلام الەمىندە بۇل كورسەتكىش ءبىر پايىزعا دا جەتپەيدى. ءبىزدىڭ ەڭ ءبىلىمدى، تابىستى بالالارىمىز باتىس ەلدەرىنە كەتىپ جاتىر، باتىس ۇيىمدارىندا جۇمىس ىستەيدى. وكىنىشكە قاراي، ءبىز اقپاراتتىق تەحنولوگيالار سالاسىن ءوزىمىز وندىرمەيمىز، تەك قولدانۋدى بىلەمىز. بۇل قاۋىپسىزدىك تۇرعىسىنان ءبىزدى وسال ەتەدى. مىقتى ەل بولۋ ءۇشىن ءبىلىم سالاسىن جوعارى دەڭگەيگە كوتەرۋىمىز كەرەك. ولاردى ءوندىرۋ قاجەت»، – دەدى تۇركيا پرەزيدەنتى.

ەردوعان يسلام ىنتىماقتاستىعى ۇيىمىنىڭ اياسىندا يسلام مەملەكەتتەرى بىلىمىمەن تەحنولوگيالىق جەتىستىكتەرىمەن جانە ستۋدەنتتەر مەن مۇعالىمدەر الماسۋدى، ۋنيۆەرسيتەتتەر ءبىر-بىرىمەن قىزمەت ەتۋدى دامىتۋ كەرەكتىگىن ايتتى. «بۇعان تۇركيا دايىن»، – دەدى رەجەپ تايپ ەردوعان.  يىۇ عىلىم جانە تەحنولوگيا جونىندەگى ءبىرىنشى ساميتىندە عىلىم، تەحنولوگيا جانە يننوۆاتسيا سالاسىنداعى ارتىقشىلىقتارى انىقتالادى. وسى يدەيانى 2016 جىلى ىستامبۇلدا يىۇ ءسامميتى كەزىندە نۇرسۇلتان نازارباەۆ ايتقان بولاتىن.  يسلام ىنتىماقتاستىق ۇيىمى (يىۇ) 1969 جىلى 25 قىركۇيەكتە مۇسىلمان مەملەكەتتەرىنىڭ باستاماسىمەن قۇرىلعان. بۇگىندە وسى ۇيىمعا 57 ەل مۇشە، جالپى حالىق سانى – 1،2 ميلليارد ادام. ۇيىمعا رەسەي، بوسنيا جانە گەرتسەگوۆينا، تايلاند باقىلاۋشى رەتىندە قاتىسادى. ۇيىمنىڭ شتاب-پاتەرى ساۋد ارابياسىنىڭ دجيددا قالاسىندا ورنالاسقان. يىۇ-نىڭ باسشىسى – باس حاتشى، ال اتقارۋشى ورگانى – باس حاتشىلىق دەپ اتالادى. باس حاتشىنى مۇشە ەلدەر سىرتقى مينيسترلەر كونفەرەنتسياسىندا ءبىر مارتە 4 جىلعا سايلايدى. ۇيىم جانىنان اشىلىپ، دەربەس جۇمىس ىستەيتىن تومەندەگىدەي ورگاندار مەن قۇرىلىمدار بار. ولار يسلام دامۋ بانكى، يسلام جاڭالىقتارى اگەنتتىگى، ەكونوميكا جانە مادەني ماسەلەلەر جونىندە يسلام كوميسسياسى، يەرۋساليم قورى، يسلام استانالارى ۇيىمى، يسلام عىلىمي-تەحنيكالىق دامۋ قورى جانە تاعى باسقالار. 2011 جىلعا دەيىن يسلام كونفەرەنتسياسى ۇيىمى دەپ اتالعان. استانادا وتكەن 38 سەسيادا اتاۋى وزگەرتىلدى.

Back to top button