قازاقستاندىقتاردىڭ تۇتىنۋ شىعىندارى رەسەيلىكتەردى باسىپ وزدى

تۇرعىنداردىڭ تۇتىنۋ شىعىندارى دەڭگەيى بويىنشا قازاقستان رەسەيدى شاڭ قاپتىرىپ كەتتى، دەپ حابارلايدى «نەزاۆيسيمايا گازەتا» رەسەي ۇكىمەتى جانىنداعى ساراپتا ورتالىعىنا سىلتەمە جاساپ.

رەسەيلىك ساراپشىلاردىڭ مالىمەتىنە سۇيەنسەك، ەكونوميكاداعى داعدارىس سالدارىنان قازاقستاندىقتاردىڭ تۇتىنۋ شىعىندارى رەسەيلىكتەردىكىمەن سالىستىرعاندا 16 %-عا كوبەيگەن. ونىڭ ۇستىنە، ساراپشىلار بۇل ءۇردىستىڭ ءارى قاراي جالعاسىن تاباتىنىنا سەنىمدى.

تۇتىنۋ دەڭگەيى رەسمي ايىرباس باعامى مەن ۇلتتىق ۆاليۋتانىڭ ساتىپ الۋ قابىلەتى پاريتەتىن ەسەپكە الا وتىرىپ باعالانادى.

بىلتىر قازاقستان تۇرعىنى ورتا ەسەپپەن جەكە تۇتىنۋ تاۋارلارىنا 13،8 مىڭ دوللار جۇمساعان، ال ورتاشا ەسەپتىك رەسەيلىك — 11،9 مىڭ دوللار.

 

ۇقساس جاڭالىقتار

Back to top button