گولوۆكين مەن الۆارەس كەزدەسۋىنە ارنايى بەلبەۋ جاسالدى

WBC قازاقستاندىق كاسىپقوي بوكسشى گەننادي گولوۆكين مەن ساۋل«كانەلو» الۆارەستىڭ كەزدەسۋىنە ارنايى بەلبەۋ جاسادى، – دەپ حابارلايدى 24.kz ارناسى.

ارنانىڭ حابارلاۋىنشا، بۇكىلالەمدىك بوكس كەڭەسى (WBC) ورتا سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق گەننادي گولوۆكين (37-0، 33 كو) مەن مەكسيكالىق ساۋل «كانەلو» الۆارەس (49-1-1، 34 كو) اراسىندا وتەتىن كەزدەسۋگە ارنايى بەلبەۋ جاساپ شىعاردى.

اۆتورلار بەلبەۋدى جاساپ شىعارۋعا 300 ساعاتتاي ۋاقىت جۇمساعان. وندا قازاقستان مەن مەكسيكانىڭ تۋلارى بەلگىلەنگەن.

ەسكە سالايىق، بۇل جەكپە-جەك 16 قىركۇيەك  كۇنى لاس-ۆەگاستاعى T-Mobile سپورت كەشەنىندە وتەدى. كەزدەسۋدە گولوۆكين بارلىق بەلبەۋىن ورتاعا سالسا، «كانەلو» The Ring جۋرنالىنىڭ چەمپيوندىق اتاعىن ساراپقا سالادى.

ۇقساس جاڭالىقتار

Back to top button