وڭتۇستىك كورەيا وتانداستارىمىزدى تەكسەرۋدى قاتايتتى

وڭتۇستىك كورەيانىڭ كوشى-قون ورگاندارى قازاقستان ازاماتتارىنا قاتىستى ەلگە كىرۋ كەزىندەگى تەكسەرىستى قاتاڭداتتى، بۇعان مەملەكەتكە ەلىمىزدەن زاڭسىز بارۋشىلاردىڭ كوبەيۋى سەبەپ بولعان. بۇل تۋرالى قر ءسىم ءباسپاسوز ءماسليحاتىندا ايتىلدى، – دەپ حابارلايدى Tengrinews.kz.

«قر مەن كورەيا رەسپۋبليكاسىنىڭ اراسىنداعى ۆيزالىق رەجيمدى الىپ تاستاۋ تۋرالى 2014 جىلدىڭ قاراشاسىنداعى كەلىسىم كورەيادا ەڭبەك قىزمەتىنە جاتپايتىن قازاقستان ازاماتتارىنا قاتىستى قولدانىلادى. بۇعان قاراماستان، قازاقستاننىڭ كوپتەگەن ازاماتتارى كورەياعا ۆيزاسىز رەجيم بويىنشا جۇمىسقا تۇرۋ ءۇشىن بارادى. وسىعان بايلانىستى كورەيادا زاڭسىز ميگرانتتار كوبەيگەن. سوندىقتان كورەيا رەسپۋبليكاسىنىڭ كوشى-قون ورگاندارى قازاقستان ازاماتتارىنا ەلگە كىرۋ كەزىندەگى تەكسەرىسىن قاتاڭداتتى»، – دەلىنگەن حابارلامادا.

وڭتۇستىك كورەيانىڭ قازاقستانداعى ەلشىلىگىنىڭ مالىمەتىنشە، قازاقستاننان كورەياعا بارعان زاڭسىز ميگرانتتاردىڭ سانى 2017 جىلدىڭ ناۋرىزىندا 4 168 ادام بولعان. 2014 جىلدان بەرى ميگرانتتار سانى 11 ەسەگە وسكەن، زاڭسىز ميگرانتتار تۋرالى كەلىسىمگە دەيىن قازاقستاننان 359 عانا ادام بارعان ەدى. 2014 جىلى قازاقستاننان كورەياعا جاڭا بارعان زاڭسىز ميگرانتتاردىڭ سانى 77 بولسا، ال كەلىسىم جاسالعاننان كەيىن 3 520-عا دەيىن ءوسىپ كەتكەن، ياعني 45 ەسەگە وسكەن. ەلشىلىكتەگىلەر قازاقستان ازاماتتارىنا كورەياعا قانداي جاعدايدا كىرۋگە قانداي نەگىزگى سەبەپتەر بويىنشا تىيىم سالىناتىنىن اتاپ ءوتتى. ولار – اۋرۋحانانى برونداۋ نەمەسە قاي اۋرۋحانادا ەمدەلەتىنى جايلى جوسپارىنىڭ جوقتىعى كەپىل رولىندەگى مەديتسينالىق اگەنتتىڭ جوقتىعى – مەديتسينالىق ساپار جاعدايىندا; ساپار جوسپارىنىڭ جوقتىعى، كورىكتى جەرلەردى ارالاۋ جوسپارى، سونداي-اق، تۋىستارى مەن تۋريستىك اگەنتتىكتەرى جوق جاعدايدا – تۋريستىك ساپارلار جاعدايىندا; شاقىرتقان ۇيىمداردىڭ مالىمەتتەرى نەمەسە ناقتى سيپاتتمالارى بولماعان جاعدايدا، كورەياداعى سەرىكتەستەر مەن جوبا جۇمىستارىنىڭ جوقتىعى – ىسكەرلىك ساپار جاعدايىندا.

ۇقساس جاڭالىقتار

Back to top button