رەسەي اقش ديپلوماتتارىن ەلدەن الشاقتاتۋدى كوزدەپ وتىر

رەسەي اقش-تىڭ 30-عا جۋىق ديپلوماتىن ەلىنە قايتارىپ، امەريكانىڭ ديپلوماتيالىق يەلىكتەرىن جابۋ تۋرالى شەشىم شىعارۋى مۇمكىن. بۇل تۋرالى «يزۆەستيا» باسىلىمى رەسەي فەدەراتسياسى سىرتقى ىستەر مينيسترلىگىنە سىلتەمە جاساپ جازدى.

اتالعان اقپاراتتى مەملەكەت پرەزيدەنتى ۆلاديمير پۋتين ءالى راستاعان جوق. وسىدان بۇرىن باراك وباما تۇسىندا رەسەي اقش-تاعى ديپلوماتيالىق يەلىكتەرىنە سالىنعان سانكتسيانى الىپ تاستاۋ تۋرالى دونالد ترامپ اكىمشىلىگىنىڭ وڭ جاۋابىنا ءۇمىت ارتىلىپ كەلگەن. دەگەنمەن ەكى ەل باسشىسىنىڭ كەزدەسۋى كەزىندە دە بۇل قايشىلىقتىڭ ورتاق مامىلەسى تابىلماعان سياقتى. جوعارىدا كورسەتىلگەن شەشىم كۇشىنە ەنسە، بۇل رەسەيدىڭ اقش-تىڭ 35 ديپلوماتىن ەلدەن شىعارىپ جىبەرگەن «ارەكەتىنە» جاۋابى بولادى.

الدىن-الا كەلىسىم بويىنشا جۋىردا سانكت-پەتەربۋرگتە رەسەي سىرتقى ىستەر ءمينيسترىنىڭ ورىنباسارى سەرگەي ريابكوۆ پەن اقش مەملەكەتتىك حاتشىسىنىڭ ءبىرىنشى ورىنباسارى توماس شەننون كەزدەسۋى كەرەك. ەگەر وسى كەلىسسوزدەر بارىسىندا تالقىعا ءتۇسىپ وتىرعان ماسەلە شەشىمىن تاپپاسا، وندا اقش ەلشىلىكتەرىنىڭ باسىنا «قارا بۇلت» ۇيىرىلگەلى تۇر.

 

ۇقساس جاڭالىقتار

Back to top button