سي تسزينپين مەن تمد ەلدەرىنىڭ باسشىلارى نازارباەۆتى تۋعان كۇنىمەن قۇتتىقتادى

اقوردانىڭ ءباسپاسوز قىزمەتى تمد ەلدەرى باسشىلارىنىڭ قازاقستان پرەزيدەنتى نۇرسۇلتان نازارباەۆقا ايتقان قۇتتىقتاۋ سوزدەرىن جاريالادى، – دەپ حابارلايدى Tengrinews.kz ءتىلشىسى اقورداعا سىلتەمە جاساپ.

رەسەي فەدەراتسياسىنىڭ پرەزيدەنتى ۆلاديمير پۋتين نۇرسۇلتان نازارباەۆتى تۋعان كۇنىمەن قۇتتىقتاپ، ەلباسىنىڭ مەملەكەتىمىزدى الەۋمەتتىك-ەكونوميكالىق دامىتۋدا جانە قازاقستاننىڭ الەمدىك ارەناداعى ورنىن نىعايتۋدا زور ۇلەس قوسقانىن اتاپ ءوتتى. «ء;سىزدىڭ ەلدەرىمىز اراسىنداعى وداقتاستىق پەن ستراتەگيالىق سەرىكتەستىك قارىم-قاتىناستى نىعايتۋداعى، سونداي-اق ءوزارا ءتيىمدى ينتەگراتسيالىق ۇدەرىستەردى دامىتىپ، ەۋرازيا كەڭىستىگىندەگى قاۋىپسىزدىكتى قامتاماسىز ەتۋدەگى جەكە ۇلەسىڭىزدى اسىرا باعالاۋ مۇمكىن ەمەس. ارامىزداعى ءوزارا تۇسىنىستىك پەن سەنىمدى جوعارى باعالايمىن. ءبىز ەكىجاقتى، وڭىرلىك جانە حالىقارالىق كۇن تارتىبىندەگى بارلىق ماسەلە بويىنشا بىرلەسىپ جەمىستى قىزمەت اتقارىپ كەلەمىز»، – دەلىنگەن حاتتا.

پۋتين مەملەكەت باسشىسىنا زور دەنساۋلىق، باق-بەرەكە تىلەپ، قازاقستان حالقىنىڭ يگىلىگى جولىندا جاڭا تابىستارعا جەتۋگە نيەتتەستىگىن ءبىلدىردى. قىتاي حالىق رەسپۋبليكاسىنىڭ توراعاسى سي تسزينپين ءوز قۇتتىقتاۋىندا قازاقستان مەن قىتاي قارىم-قاتىناسىنىڭ ماڭىزدىلىعى مەن ونىڭ ايرىقشا قارقىنمەن دامىپ كەلە جاتقانىن ايتىپ، ەكى ەل اراسىنداعى جان-جاقتى ستراتەگيالىق ارىپتەستىكتى ودان ءارى نىعايتۋعا نيەتتى ەكەنىن جەتكىزدى. «سوڭعى جىلدارى قىتاي مەن قازاقستان اراسىندا ساياسي ءوزارا سەنىم نىعايىپ، «ء;بىر بەلدەۋ، ءبىر جول» بىرلەسكەن باستاماسى جەمىستى ىسكە اسىرىلا باستادى، سونداي-اق ناقتى ىنتىماقتاستىق اياسى كەڭەيىپ، گۋمانيتارلىق بايلانىستارىمىز دا بەلسەندى دامىپ كەلەدى. ءسىز بيىلعى مامىر ايىندا قىتايدا وتكەن «ء;بىر بەلدەۋ، ءبىر جول» اتتى حالىقارالىق فورۋمعا قاتىستىڭىز. ءبىر اي بۇرىن مەن قازاقستانعا رەسمي ساپارمەن كەلىپ، شانحاي ىنتىماقتاستىق ۇيىمىنىڭ ءسامميتى مەن استاناداعى «ەكسپو-2017″ كورمەسىنىڭ سالتاناتتى اشىلۋ راسىمىنە قاتىستىم. ءبىز ەكىجاقتى قارىم-قاتىناس پەن بارلىق سالاداعى ناقتى ىنتىماقتاستىقتى نىعايتۋ جونىندە پىكىر الماسىپ، ماڭىزدى ۋاقدالاستىقتارعا قول جەتكىزدىك»، – دەلىنگەن جەدەلحاتتا. قىتاي حالىق رەسپۋبليكاسىنىڭ توراعاسى قازاقستان پرەزيدەنتىنە زور دەنساۋلىق مەن بارلىق باستامالارىنا تابىس تىلەدى.

ازەربايجان رەسپۋبليكاسىنىڭ پرەزيدەنتى يلحام اليەۆ نۇرسۇلتان نازارباەۆتىڭ پاراساتتى ءارى كورەگەن باسشىلىعىمەن قازاقستاننىڭ الەۋمەتتىك-ەكونوميكالىق جانە مادەني سالالارى جوعارى قارقىنمەن دامىپ كەلە جاتقانىن اتاپ ءوتىپ، ەلىمىزدىڭ جاھاندىق ۇدەرىستەرگە بەلسەندى اتسالىسىپ وتىرعانىنا نازار اۋداردى. ي.اليەۆ مەملەكەت باسشىسىنىڭ ازەربايجان مەن قازاقستان اراسىنداعى دوستىق پەن تاتۋ كورشىلىك ءداستۇرىن ساقتاۋ ىسىندەگى ەڭبەگىن جوعارى باعالادى. «تاريحي تامىرى ءبىر حالىقتارىمىزدىڭ قالاۋىمەن مەملەكەتتەرىمىز اراسىنداعى قارىم-قاتىناس، سەرىكتەستىگىمىز، ەكىجاقتى جانە كوپجاقتى ىنتىماقتاستىعىمىز بۇدان ءارى دە قارقىندى دامي بەرەتىنىنە سەنىمدىمىن. قۇرمەتتى نۇرسۇلتان ءابىش ۇلى، وسى ايتۋلى كۇندە سىزگە زور دەنساۋلىق، باقىت جانە باۋىرلاس قازاقستان حالقىنىڭ ءوسىپ-وركەندەۋى جولىنداعى قىزمەتىڭىزگە تابىس تىلەيمىن»، – دەلىنگەن قۇتتىقتاۋ حاتتا.

بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو تاۋەلسىز قازاقستاننىڭ جەتىستىكتەرى نۇرسۇلتان نازارباەۆتىڭ قىزمەتىمەن تىكەلەي بايلانىستى ەكەنىن اتاپ ءوتتى. «ء;سىز ەلىڭىزدىڭ الەۋمەتتىك-ەكونوميكالىق دامۋىنداعى كۇردەلى مىندەتتەردى شەشۋدە جانە ونىڭ حالىقارالىق بەدەلىن نىعايتۋدا ايتارلىقتاي تابىستارعا جەتتىڭىز. بۇگىندە قازاقستان قازىرگى الەمنىڭ سىن-تەگۋرىندەرىنە توتەپ بەرىپ، وزىق باستامالار كوتەرىپ، بولاشاققا سەنىممەن قارايدى»، – دەلىنگەن جەدەلحاتتا. ا.لۋكاشەنكو بەلارۋس پەن قازاقستاننىڭ بارلىق سالاداعى بايلانىستارىن ودان ءارى كەڭەيتۋگە سەنىم ءبىلدىرىپ، مەملەكەت باسشىسىنا زور دەنساۋلىق پەن باق-بەرەكە تىلەدى.

ۋكراينا پرەزيدەنتى پەتر پوروشەنكو نۇرسۇلتان نازارباەۆتى تۋعان كۇنىمەن قۇتتىقتاپ، ونىڭ قازاقستان پرەزيدەنتى رەتىندەگى قىزمەتىن ءوز ەلىنە قالتقىسىز قىزمەت ەتۋدىڭ ۇلگىسى ەكەنىن اتاپ ءوتتى. «ۋكراينا مەن قازاقستان اراسىنداعى دوستىق قارىم-قاتىناس حالىقتارىمىزدىڭ يگىلىگى ءۇشىن قول جەتكىزىلگەن ەكىجاقتى ۋاعدالاستىقتاردى ىسكە اسىرۋعا سەپتىگىن تيگىزەتىنىنە سەنەمىن. مۇمكىندىكتى پايدالانا وتىرىپ، ءسىزدى ۋكرايناعا مەملەكەتتىك ساپارمەن كەلۋگە شاقىرۋىمدى راستايمىن. ءسىزدىڭ ساپارىڭىز ءوزارا ءتيىمدى سەرىكتەستىكتى دامىتۋعا تىڭ سەرپىن بەرىپ، ەكى ەل اراسىنداعى ءوزارا تۇسىنىستىكتى نىعايتاتىن بولادى»، – دەلىنگەن حاتتا. پ.پوروشەنكو قازاقستان پرەزيدەنتىنە زور دەنساۋلىق تىلەپ، جاۋاپتى مەملەكەتتىك قىزمەتتە سارقىلماس كۇش-قايرات پەن جاڭا تابىستارعا جەتۋگە نيەتتەستىك ءبىلدىردى. وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ نۇرسۇلتان نازارباەۆتىڭ باسشىلىعىمەن قازاقستان حالقىنىڭ يگىلىگى ءۇشىن ىسكە اسىرىلىپ جاتقان اۋقىمدى جوبالار مەن باعدارلامالاردىڭ ناتيجەلەرىنە توقتالدى.

سونىمەن قاتار، ش.ميرزيوەۆ مەملەكەت باسشىسىنىڭ قازاقستان مەن بۇكىل ورتالىق ازيانىڭ حالىقارالىق ارەناداعى بەدەلىن ارتتىرۋداعى ماڭىزدى باستامالارى مەن بەلسەندى قىزمەتىن جوعارى باعالادى. «وعان دالەل رەتىندە اسەم ءارى زاماناۋي استانادا حالىقارالىق «ەكسپو-2017» مامانداندىرىلعان كورمەسىنىڭ جوعارى دەڭگەيدە ۇيىمداستىرىلۋىن، جاھاندىق جانە وڭىرلىك ساياسات پەن قاۋىپسىزدىك، ەكونوميكا مەن ينۆەستيتسيالار، مادەنيەت پەن عىلىم سالالارىنداعى ءىرى ءىس-شارالاردىڭ تابىستى ءوتۋىن، سونداي-اق حالىقارالىق قۇرىلىمدار اياسىنداعى ءتيىمدى جۇمىستار مەن تابىستى ءوزارا ءىس-قيمىلدى اتاپ وتۋگە بولادى»، – دەلىنگەن جەدەلحاتتا. شاۆكات ميرزيوەۆ نۇرسۇلتان نازارباەۆقا زور دەنساۋلىق، باق-بەرەكە جانە جاۋاپتى مەملەكەتتىك قىزمەتتە جاڭا تابىستارعا جەتۋگە تىلەكتەستىك ءبىلدىردى. تاجىكستان رەسپۋبليكاسىنىڭ پرەزيدەنتى ەمومالي راحمون نۇرسۇلتان نازارباەۆتىڭ قازاقستاندى ورنىقتى دامىتۋعا ءارى وركەندەتۋگە جانە ونىڭ الەمدىك قوعامداستىق اراسىنداعى بەدەلىن نىعايتۋعا زور ۇلەس قوسقانىن اتاپ ءوتتى. «مۇمكىندىكتى پايدالانا وتىرىپ، تاجىكستان مەن قازاقستاننىڭ كوپقىرلى ءوزارا ءتيىمدى ىنتىماقتاستىعىن جان-جاقتى دامىتۋ ءۇشىن سىزبەن بىرگە بار كۇش-جىگەرىمىزدى جۇمىلدىرۋعا نيەتتى ەكەنىمىزدى ايتقىم كەلەدى. شىن جۇرەكتەن سىزگە زور دەنساۋلىق، ۇزاق عۇمىر جانە دوستاس قازاقستاننىڭ تۇراقتىلىعى مەن وركەندەۋى جولىنداعى مەملەكەتتىك قىزمەتىڭىزگە جاڭا جەتىستىكتەر تىلەيمىن»، – دەلىنگەن قۇتتىقتاۋ حاتتا.

قىرعىز رەسپۋبليكاسىنىڭ پرەزيدەنتى المازبەك اتامباەۆ مەملەكەت باسشىسىن تۋعان كۇنىمەن قۇتتىقتاپ، تاۋەلسىز قازاقستاننىڭ بارلىق جەتىستىگى نۇرسۇلتان نازارباەۆتىڭ جۇرگىزىپ وتىرعان سىندارلى ساياساتىنىڭ ناتيجەسى ەكەنىن ايتتى. «ء;سىزدىڭ كاسىبي ءارى ومىرلىك مول تاجىريبەڭىز قازاقستان حالقىنىڭ تولىق قولداۋىنا يە بولعان كوپقىرلى جانە جەمىستى مەملەكەتتىك قىزمەتىڭىزدىڭ بەرىك نەگىزى بولىپ تابىلادى. قازاقستان مەن قىرعىزستاننىڭ تەڭ قۇقىلى ءارى ءوزارا ءتيىمدى ىنتىماقتاستىق قاعيداتتارىنا نەگىزدەلگەن دوستىق، تاتۋ كورشىلىك جانە ستراتەگيالىق سەرىكتەستىك قارىم-قاتىناسى الداعى ۋاقىتتا دا باۋىرلاس ەلدەرىمىزدىڭ يگىلىگى ءۇشىن نىعايىپ، دامي بەرەتىنىنە سەنىمدىمىن»، – دەلىنگەن جەدەلحاتتا. تۇرىكمەنستان پرەزيدەنتى گۋربانگۋلى بەردىمۇحامەدوۆ قازاقستان پرەزيدەنتىنىڭ ەكى ەل اراسىنداعى ارىپتەستىكتى دامىتۋداعى جەكە ۇلەسىن جوعارى باعالاپ، ەكىجاقتى قارىم-قاتىناستى ودان ءارى نىعايتۋعا سەنىم ءبىلدىردى. «وسى جاقسى مۇمكىندىكتى پايدالانا وتىرىپ، نۇرسۇلتان ءابىش ۇلى، سىزگە اماندىق، ومىرلىك كۇش-قۋات، سونداي-اق باۋىرلاس قازاقستان حالقىنىڭ بەرەكەسى مەن ءوسىپ-وركەندەۋى جولىنداعى جوعارى مەملەكەتتىك لاۋازىمدا ودان ءارى تابىستارعا جەتۋگە تىلەكتەسپىن»، – دەلىنگەن حاتتا.

سەربيا رەسپۋبليكاسىنىڭ پرەزيدەنتى الەكساندر ۆۋچيچ تە نۇرسۇلتان نازارباەۆتى تۋعان كۇنىمەن قۇتتىقتاپ، قازاقستان پرەزيدەنتىنە زور دەنساۋلىق، اماندىق پەن باقىتتى عۇمىر تىلەدى. «سىزگە پرەزيدەنت لاۋازىمىندا، قازاقستان رەسپۋبليكاسىنىڭ يگىلىگى ءۇشىن جانە جەكە ءوزىڭىز زور ۇلەس قوسىپ وتىرعان ەلدەرىمىز اراسىنداعى ىنتىماقتاستىق جولىندا تابىستارعا جەتۋگە نيەتتەستىگىمدى بىلدىرەمىن»، – دەلىنگەن قۇتتىقتاۋ حاتتا. ارمەنيا رەسپۋبليكاسىنىڭ پرەزيدەنتى سەرج سارگسيان استاناداعى «ەكسپو-2017» كورمەسىنىڭ سالتاناتتى اشىلۋ ءراسىمىنىڭ جوعارى دەڭگەيدە ۇيىمداستىرىلعانىن ايتىپ، نۇرسۇلتان نازارباەۆتىڭ ەلىمىزدى دامىتۋ، ونىڭ حالىقارالىق ارەناداعى بەدەلىن ارتتىرۋ جانە قازاقستان مەن ارمەنيانىڭ قارىم-قاتىناسىن نىعايتۋ ىسىندەگى زور ۇلەسىن اتاپ ءوتتى. «ارميان مەن قازاق حالقىنىڭ اراسىنداعى دوستىق جانە ءبىر-ءبىرىن قۇرمەتتەۋ ءداستۇرى ەكىجاقتى ساياسي، ساۋدا-ەكونوميكالىق جانە گۋمانيتارلىق سەرىكتەستىكتى كەڭەيتۋدە ماڭىزدى ءرول اتقارادى»، – دەلىنگەن جەدەلحاتتا.

س.سارگسيان مەملەكەت باسشىسىنا زور دەنساۋلىق پەن اماندىق، ال قازاقستان حالقىنا بەيبىتشىلىك پەن ءوسىپ-وركەندەۋ تىلەدى. رەسەي فەدەراتسياسى ۇكىمەتىنىڭ توراعاسى دميتري مەدۆەدەۆ رەسەي فەدەراتسياسى ۇكىمەتى جانە جەكە ءوزىنىڭ اتىنان قازاقستان پرەزيدەنتىن تۋعان كۇنىمەن قۇتتىقتادى. مەدۆەدەۆ ەنەرگەتيكا، ونەركاسىپ، كولىك ينفراقۇرىلىمى، عىلىم جانە مادەنيەت سالالارىنداعى بىرلەسكەن ءوزارا ءتيىمدى جوبالاردىڭ ىسكە اسىرىلۋ ناتيجەلەرىنە توقتالىپ، ەكى ەلدىڭ قوعامدىق بىرلەستىكتەر مەن بيزنەس-قوعامداستىقتار اراسىنداعى ديالوگتارى قارقىندى ەكەنىنە نازار اۋداردى. «ۇكىمەتتەرىمىزدىڭ سەرىكتەستىككە نەگىزدەلگەن ودان ارعى جۇمىسى ەكىجاقتى ىنتىماقتاستىقتىڭ بارلىق ماسەلەلەرىن دامىتۋعا، ءتۇرلى سالالاردا تىڭ ءارى پەرسپەكتيۆتى باستامالاردى ىسكە اسىرۋعا، ەۋرازيالىق ەكونوميكالىق وداق اياسىنداعى ينتەگراتسيالىق ءوزارا ءىس-قيمىلدى نىعايتۋعا ىقپال ەتەتىنە سەنىمدىمىن»، – دەلىنگەن جەدەلحاتتا.

ۇقساس جاڭالىقتار

Back to top button