Шымкентте балабақшада екі жасар бала қайтыс болды

Шымкентте балабақшада екі жасар бала қайтыс болды, - деп хабарлайды TVK. Қайғылы оқиға 30 маусымда "Наурыз" ықшамауданындағы балабақшада болған.  Мекеме қызметкерлерінің айтуынша, таңғы уақытта ата-анасы баланы балабақшаға әкелген кезде оның жағдайы жақсы болды, барлық балалар сияқты ойнап, тамағын ішті. Әдеттегідей балалар ұйықтаған, бірақ екі жасар бала сол ұйықтаған күйі қайта оянбаған. Балабақша қызметкерлері бірден реанимация көлігі мен полиция шақырған. Қазіргі уақытта өлімнің себебін анықтау мақсатында сараптама жүргізіліп жатыр.