ەلىمىزدەگى ۇزدىك كومپانيالار انىقتالدى

قازاقستان رەسپۋبليكاسى ۇلتتىق كاسىپكەرلەر پالاتاسىنىڭ(ۇكپ) باسەكەلەستىك جونىندەگى كەڭەسى ەلىمىزدىڭ ەڭ مىقتى دەگەن ون بەس كومپانياسىنىڭ ءتىزىمىن جاساپ شىعىپتى. جەڭىمپاز كومپانيالار تىزىمىندە «تسەسنا-استىق»، «رودينا» اگروفيرماسى، «سەنتراس» كەشەنى، KazMicroFinance، RGBrands جانە ت.ب. وتاندىق كومپانيالار بار. ساراپشىلار كەڭەسىنىڭ ءتورايىمى جانات ەرتىلەسوۆانىڭ ايتۋىنشا، بۇل تىزىمنەن شيكىزات جانە قۇرىلىس كومپانيالارىمەن بانكتەر بىردەن الىنىپ تاستالعان.

كومپانيالار ەكونوميكانىڭ ماڭىزدى دەگەن توعىز سالاسىنان تاڭدالدى: ونەركاسىپ، اۋىل شارۋاشىلىعى، بولشەك ساۋدا، تەحنولوگيالار، مەديا جانە تەلەكوممۋنيكاتسيا، تاماق ءوندىرىسى، ترانسپورت جانە لوگيستيكا، ەنەرگەتيكا، بانكتىق ەمەس قارجىلاندىرۋلار جانە مۇنايگاز سەرۆيسى. ساراپشىلار توبىنىڭ تاعى ءبىر مۇشەسى وراز جاندوسوۆتىڭ ويىنشا، ورتا بيزنەستەگى باسەكەگە نەعۇرلىم قابىلەتتى كومپانيالاردى انىقتاۋ ەل ەكونوميكاسىنداعى پوربلەمالىق ورىنداردى كورسەتىپ بەرەدى ەكەن.

جەڭىمپاز-كومپانيالار، ىرىكتەۋشى مامانداردىڭ پىكىرىنشە، مەملەكەتكە بيزنەس ءۇشىن وتە پايدالى بولاتىن بىرنەشە قىزمەت تۇرلەرىن كورسەتۋگە دايىن. «ءبىز بىرنەشە وتە پايدالى ۇسىنىستار دايىندادىق. بىراق، ءبىرىنشى كەزەكتە مىنانى ەسكەرۋ كەرەك: ءبىز ەشكىمگە قول جايىپ بارمايمىز. بۇل كومپانيالار ەلىمىزگە كوپ نارسە جاساي الادى. مىسالى، ءوز تاجىريبەلەرىمەن ءبولىسۋ ارقىلى. بۇل جەردە قانداي دا ءبىر بيزنەس-جوبانى قالاي جۇزەگە اسىرۋ تۋرالى ايتۋ ماڭىزدى بولدى. ءبىزدىڭ چەمپيوندار ءوز قىزمەتتەرىنىڭ ساپاسىن ودان ءارى دامىتۋعا دايىن، ءتىپتى قىزمەتشىلەرىن قايتا وقىتۋعا دەيىن بارادى.

ال، مەملەكەت تاراپىنان ءبىز كەدەرگى ازايسا دەيمىز. قازىر بۇل سالادا سۇراقتار كوپ — سالىق جانە شەكارالىق تىركەۋ، شەتەلدىك جۇمىس كۇشىن تارتۋ ت.ب. يندۋستريالدى ساياساتتى دامىتۋ، ينفراقۇرىلىم، ءبىزدىڭ جەڭىمپازدارىمىزدىڭ بارلىعى بۇل نارسەلەردى جاقسى بىلەدى. جانە كومەكتەسە الادى»، — دەيدى ۇكپ باسەكەگە قابىلەتتىلىك كەڭەسىنىڭ توراعاسى ەلدار ابدرازاقوۆ. جەڭىمپاز-كومپانيالاردى انىقتاۋداعى ماقسات باسەكەگە قابىلەتتىلىكتى كۇشەيتۋ بولىپ وتىر. «ءبىزدىڭ كەڭەسىمىز كوپ ۋاقىت بويى قازاقستاندىق بيزنەستىڭ باسەكەگە قابىلەتتىلىگىن قالاي ارتتىرساق دەپ ىزدەندى. الەمدىك تاجىريبەنى زەرتتەگەننەن كەيىن ءبىز باتىستىق پراكتيكا ەلىمىزدە قانشالىقتى دارەجەدە قولدانىلا الاتىندىعىن ويلادىق. سوڭىندا ەلىمىزدەگى بار كومپانيالار ىشىنەن كوشباسشىلارىن انىقتاۋ كەرەك دەپ شەشتىك، ولار تيىسىنشە بارلىق بيزنەس-قوعامدى سوڭىنان ەرتىپ، ۇلگى بولا الادى. ولار جوعارى دارەجەگە جەتكەن. ەندى الەمدىك باسەكەدە باق سىناپ كورەدى»، — دەدى ابدرازاقوۆ.

ۇقساس جاڭالىقتار

Back to top button