Оңтүстік Корея 2018 жылғы Олимпиада ойындарының бір бөлігін КХДР-да өткізуді ұсынды

Оңтүстік Корея 2018 жылғы Олимпиада ойындарының бір бөлігін КХДР-да өткізуді ұсынды

2018 жылғы Олимпиада ойындарының бір бөлігі КХДР аумағында өтуі мүмкін. Оңтүстік Кореяның спорт министрі То Чжон Хван спорт жарыстарын бірге өткізу арқылы екі ел арасындағы саяси шиеленісті болдырмауға мүмкіндік жасайтынын мәлімдеді, - деп жазады ұлыбританиялық The Guardian басылымы. Басылымның мәліметінше, мұнда Солтүстік Кореядағы Масикрюн курортындағы бірінші кластағы тау шаңғы спорты туралы айтылып жатыр. То Чжон Хван тау шаңғы спортын осы курортта өткізіп, жоспарлары жайлы Солтүстік Корея делегаты Чан Вун мен Халықаралық Олимпиада комитетінің өкілдерімен талқыламақшы. Сондай-ақ, Оңтүстік Кореяның спорт министрі хоккейден әйелдер арасында Оңтүстік және Солтүстік Корея құрамасын біріктіріп, Пхенчханда өтетін ойындарға қатысуды ұсынды. Еске сала кетейік, 2018 жылдың 9-25 ақпан аралығында Пхенчханда XXIII қысқы Олимпиада ойындары өтеді.