Ең қымбат футбол клубы - Манчестер Юнайтед

Ең қымбат футбол клубы - Реал емес, Барселона емес, - Манчестер Юнайтед. Forbes журналы әлемдегі ең қымбат футбол клубтарының рейтингін жариялады, онда бірінші орында ағылшындық «Манчестер Юнайтед» клубы тұр. Тізім жасаушылар МЮ-ді $3,689 млрд-қа бағалады, бұл ретте клуб 2015/16 маусымда $765 млн табыс тапты. Ең қымбат футбол клубтарының үштігіне каталондық «Барселона» және мадридтік «Реал» кірді, олардың құны $3,635 млрд және тиісінше $3,58 млрд құрады.