"Әл-Жазира" арнасы ақпарат тарату лицензиясынан айырылды
"Әл-Жазира" арнасы ақпарат тарату лицензиясынан айырылды
Сауд Арабияның Мәдениет және ақпарат министрлігі катарлық телеарна «Әл-Жазираны» ақпарат тарату лицензиясынан айырды, – деп хабарлайды 24.kz арнасы.
Арнаның хабарлауынша, бұл туралы Сауд Арабияның Мәдениет және ақпарат министрлігінің сайтында жарияланған. Министрліктің мәліметінше, мұндай шешім телеарнаның лаңкестік ұйымдарға қолдау көрсетіп, саудиялықтарды арандатты деген айып бойынша қабылданып отыр.
Айта кетейік, 5 маусым күні Сауд Арабия және тағы 7 мемлекет Катармен дипломатиялық қарым-қатынасын үзген болатын.