Нұртас Адамбай күйеу жігіт туралы комедия түсіріп жатыр

Танымал актер, шоумен, режиссер және продюсер Нұртас Адамбай жаңа комедияның түсіріліміне кірісті, деп хабарлайды «ҚазАқпарат» ХАА тілшісі. «Жаңа фильмді - «5 күндік күйеу жігіт» романтикалық отбасылық комедиясын түсіруді бастап жатырмыз! Шынымды айтсам, біздің жоспарымызда кезекті драма түсіру болған, алайда көрермендер комедияны сұраса, оған жоқ дей алмаймын. Достар, бізге сәттілік тілеңіздер! Қызықты кино шығады деп үміттенемін. Басты рөлдерде: КВН-нің танымал актрисасы Гүлнәра Силбаева және мен...», - деп жазды Адамбай Facebook-тегі парақшасында.