ەلباسى استانادا "ريتتس-كارلتون" قوناقۇيىنىڭ اشىلۋى راسىمىنە قاتىستى

مەملەكەت باسشىسى نۇرسۇلتان نازارباەۆ استانادا «ريتتس-كارلتون» قوناقۇيىنىڭ اشىلۋ راسىمىنە قاتىستى، – دەپ حابارلايدى اقوردا سايتى.

  ەلباسى استانادا بەس جۇلدىزدى العاشقى حالىقارالىق پرەميۋم-كلاستى قوناق ءۇيدىڭ اشىلۋ راسىمىنە قاتىستى. قوناق ءۇي Talan Towers كوپفۋنكتسيونالدى كەشەنىنىڭ عيماراتىندا ورنالاسقان. نۇرسۇلتان نازارباەۆ استانالىقتاردى، ينۆەستورلاردى جانە قۇرىلىسقا قاتىسقان بارلىق ازاماتتاردى قوناق ءۇيدىڭ اشىلۋىمەن قۇتتىقتادى. «ەكسپو-2017» حالىقارالىق كورمەسى قارساڭىندا ەلوردا تۇرعىندارىنا تاعى ءبىر سىيلىق جاسالدى. بۇل – الەمدىك دەڭگەيدەگى «ريتتس-كارلتون» قوناق ءۇيى. ونىڭ قۇرىلىسىنا ساپالى تەحنولوگيالار مەن ستاندارتتار قولدانىلىپ، قىسقا مەرزىم ىشىندە بوي كوتەردى. بۇل – قالا ينفراقۇرىلىمىنا سالىنعان زور ينۆەستيتسيا»، – دەدى مەملەكەت باسشىسى. قازاقستان پرەزيدەنتى استانانىڭ جوعارى دەڭگەيلى قوناق ءۇي كەشەنىنە يە بولعانىن اتاپ ءوتتى.  «قوناق ءۇي قۇرىلىسىنا قازاقستاننىڭ كومپانيالارى قاتىستى. جاڭا عيماراتتا ەڭ جوعارى دەيگەيدەگى ءىس-شارالاردى وتكىزىپ، جوعارى مارتەبەلى مەيمانداردى قابىلداۋعا قاجەتتى بارلىق ينفراقۇرىلىم بار»، – دەدى نۇرسۇلتان نازارباەۆ.

سونداي-اق، ەلباسى قۇرمەتتى قوناقتار كىتابىنا قولتاڭبا قالدىردى.   استانانىڭ سول جاعالاۋىنداعى Talan Towers كەشەنىنىڭ جالپى الاڭى – 120 مىڭ شارشى مەتر. وندا Talan Towers Offices، «ريتتس-كارلتون» قوناقۇيى، SPA ورتالىعى، بيزنەس ورتالىعى جانە Emporium ساۋدا گالەرەياسى ورنالاسقان.

ۇقساس جاڭالىقتار

Back to top button