Моңғол қызы әлем супермоделі атанды

Моңғол қызы әлем супермоделі атанды

Моңғолиялық жеткіншек қыз әлем супермоделі атағын жеңіп алды, -  деп хабарлайды asiarussia.ru. World Supermodel 2017 Бас жүлдесін моңғолиялық қатысушы Алонгоо Тунгалагтамир иеленді. Жеткіншек өз категориясында ғана емес, байқауды толықтай жеңіп, Гран-при тәжіне ие болды.  Оныншы рет өтіп отырған World Supermodel байқауы мамырдың 21 мен 28 аралығында Макаода өтті. Бұл сайыста бүкіл әлемнің супермодельдері бақ сынады. Шараның соңындағы гала-шоу кезінде Алонгоо Тунгалагтамир жеткіншектер арасындағы және бүкіл конкурстың Гран-приінің иегері ретінде сахнаға шықты. Ал ересектер арасында жеңіс Оңтүстік Африка өкілі Белинде Шредерге бұйырды. Айта кетейік, былтыр World Teen Supermodel байқауында да моңғолиялық Шинэтуяа Тэгшжаргал жеңіске жеткен болатын.