19 жыл БАӘ түрмесінде отырған Қазақстан азаматы кешірім сұрауда

19 жыл БАӘ түрмесінде отырған Қазақстан азаматы кешірім сұрауда

19 жыл БАӘ түрмесінде отырған Қазақстан азаматы кешірім сұрауда
ашық дереккөзі
БАӘ-де жеңгетайды өлтіргені үшін 1998 жылы өмір бойына қамауға алынған Қазақстан және Өзбекстанның әйел азаматтары кешірім беру жайлы төртінші мәрте өтініш жазды, деп хабарлайды Gulfnews. Бұған дейінгі үш өтініш те 2013, 2014 және 2016 жылдары бірінші сот инстанциясынан қайтарылды. Қазақстан және Өзбекстан азаматтары БАӘ-де жезөкшелікпен айналысып, Ресейден келген жеңгетайларын өлтіргені үшін жазаға тартылды. Сот құжаттарына сәйкес, екі әйел мен иордандық азамат оқиға құрбаны болған әйелге ұйықтап жатқан жерінде ас үй пышағын сұғып алған. Артынша денесіне бензин құйып, өртеген. Іс екі жыл тексеріліп, кассациялық сот үшеуін де Дубай орталық түрмесіне өмір бойына қамау жөнінде үкім шығарды. Екі әйел темір торда 18 жыл 11 айын өтеп, төртінші рет кешірім беру өтінішін жолдады. Бұл қадамға олар қайтыс болған ресейлік азаматша отбасының өз еріктерімен қылмыстық қудалаудан бас тартуынан кейін барды. Өтініште сотталушылар істерін мойындап, өкінетіндіктерін жазған. Дубай заңына сәйкес, өмір бойғы қамауға алынған сотталушы 15 жыл жазасын өтегеннен кейін түрмеден босату туралы арнайы петиция жазуға құқылы.