ءسىم قازاقستاندىقتاردىڭ وڭتۇستىك كورەيا اۋەجايىندا نەلىكتەن بوگەلگەنىن ءتۇسىندىردى

قر ءسىم ءباسپاسوز قىزمەتىنىڭ باسشىسى ءانۋار جايناقوۆ اۋەجاي قىزمەتكەرلەرىنىڭ قازاقستاندىقتاردى نەلىكتەن وڭتۇستىك كورەياداعى ينچحون قالاسىنىڭ اۋەجايىندا ۇستاعاندارىن ءتۇسىندىرىپ بەردى. بۇل تۋرالى ول Facebook جەلىسىندەگى پاراقشاسىندا جازدى، – دەپ حابارلايدى Tengrinews.kz.

«سوڭعى بىرنەشە كۇن ىشىندە ينچحون اۋەجايىنى كوشى-قون قىزمەتى الماتى مەن تاشكەنتتەن كەلگەن قازاقستاننىڭ 15-تەن اسا ازاماتىن ەلگە كىرگىزۋدەن باس تارتتى. ولاردىڭ ۇشەۋى عانا ءبىزدىڭ ەلشىلىككە حابارلاسىپ، كومەك سۇرادى. ازاماتتار اۋەجايداعىلاردىڭ نەلىكتەن ەلگە كىرگىزۋدەن باس تارتقانىن ءتۇسىندىرىپ بەرۋدى سۇرادى. ال قالعاندارى نەلىكتەن ەلگە كىرە الماعاندارىن بىلگەن سياقتى»، – دەپ جازدى جايناقوۆ.

ونىڭ ايتۋىنشا، قازاقستاندىق ديپلوماتتار جەدەل تۇردە اۋەجايدىڭ كوشى-قون قىزمەتىنىڭ وكىلدەرىمەن حابارلاسقان. ولار بولسا ەلشىلىككە كەلگەن ەكى ادامنىڭ ەلدە زاڭسىز جۇرگەنىن ايتقان. ال ەكىنشى ەر ادامعا باس تارتۋىنىڭ سەبەبى ونىڭ ەلگە كەلۋىنىڭ سەبەبى كورسەتىلمەگەن. سونداي-اق، جايناقوۆتىڭ ايتۋىنشا، باسقا قازاقستاندىق ازاماتتار ەلگە تەكسەرىستەن ەش كەدەرگىسىز ءوتىپ جاتقان.

«قازاقستاننىڭ ءسىم وكىلدەرى وڭتۇستىككورەيالىق ارىپتەستەرىمەن وسى پروبلەما جايلى كەڭەسىپ جاتىر. تاياۋدا استانادا وتكەن ەكىجاقتى كەزدەسۋدە باستى ماسەلەلەردىڭ ءبىرى كورەيا رەسپۋبليكاسىنا تۋريزم، ىسكەرلىك ماسەلەلەرمەن نەمەسە ەم الۋ ءۇشىن كەلگەن قازاقستان ازاماتتارىن دەپورتاتسيالاۋ ماسەلەلەرى بولدى. كورەيانىڭ ديپلوماتتارى وسى جاعدايعا تۇسىنىستىكپەن قاراپ، جاقىن ارادا سەۋلدە كورەيانىڭ كوشى-قون قىزمەتىمەن وسى ماسەلە بويىنشا ۆەدومستۆوارالىق كەڭەس وتكىزۋگە ۋادە بەردى»، – دەپ ايتىپ ءوتتى قر ءسىم ءباسپاسوز قىزمەتىنىڭ باسشىسى.

وسىعان دەيىن وڭتۇستىك كورەيا اۋەجايىنىڭ قىزمەتكەرلەرى قازاقستاندىقتاردى جەرتولەدە قاماپ ۇستاپ وتىرعانى جايلى حابارلانعان بولاتىن.

«بارلىعىمىز قوناقۇيدىڭ اقشاسىن تولەپ قويعانبىز. ساقتاندىرۋ قۇجاتتارىمىز بار. جەكە باسىم كورەيانى كورۋگە كەلگەن ەدىم. بىراق قازىر جەرتولەدە جاتىرمىز»، – دەگەن ەدى حاندامير قۇدىرەتوۆ.

ۇقساس جاڭالىقتار

Back to top button