Қолдан құжат жасау азаяр емес

Қолдан құжат жасау азаяр емес

Құжаттарды қолдан жасағаны үшін 171 адам қылмыстық жауапкершілікке тартылған, - деп хабарлайды Tengrinews.kz тілшісі ҚР ІІМ Мемлекеттік тіл және ақпарат департаментінің директоры Алмас Сәдубаевқа сілтеме жасап. Бұл туралы ол Facebook желісіндегі парақшасында жазды. Оның айтуынша, ішкі істер органдарының қызметкерлері жыл басынан бері ҚР Қылмыстық кодексінің 385-бабы бойынша ("Жалған құжаттарды, мөртабандарды, мөрлердi, бланкілерді, мемлекеттiк пошта төлемі белгілерін, мемлекеттiк наградаларды қолдан жасау, дайындау немесе өткiзу") 1 мың 530 қылмыстық ереже бұзушылықты тіркеген. "Көбінесе әуе билеттері, дипломдар, көші-қон полициясының уақытша тіркеу қызметіндегі мөрдің баспа-таңбалары, жүргізуші куәліктері және жер учаскелерін рәсімдеуге қатысты материалдар қолдан жасалады", - деді Алмас Сәдубаев.