Зейнетақы қорынан қаржы жымқыруға байланысты тағы бір азамат ұсталды

Зейнетақы қорынан қаржы жымқыруға байланысты тағы бір азамат ұсталды Бірыңғай жинақтаушы зейнетақы қорынан қаржы жымқырды деген күдікпен тағы бір азамат ұсталды. Ол – «Мега-Транс-Азия» Жауапкершілігі Шектеулі Серіктестігі басшысының орынбасары – Талғас Тұртаев. Сот күдіктіні 3 айға қамауда ұстау туралы шешім шығарды. Естереңізге сала кетейік, осыған дейін бұл іс бойынша 5 адам қамауға алынған еді. Олар – «Бірыңғай жинақтаушы зейнетақы қоры» Акционерлік Қоғамының бұрынғы басқарма басшылары, қаржы саласына жауапты лауазым иелері мен бірқатар серіктестіктің директоры болған азаматтар. Дияс Махамбетов, қалалық соттың баспасөз қызметінің жетекшісі: - Сотқа дейінгі тергеу бойынша барлық күдіктілерге ҚР Қылмыстық Кодексінің 189 бабының 4 бөлімі бойынша мемлекет қаржысын жымқырды деген айып тағылды.